Ақпан айында еліміздегі мектептерді «тосын тексеру» жүйесі қағидаты бойынша тиісті комиссия аралайды.
Бұл туралы 7-su.kz ақпарттық порталы Democrat.kz. сайтының дерегіне сүйеніп хабарлайды.
Үкімет басшысы Олжас Бектеновтің тапсырмасына сәйкес, 1 ақпаннан бастап барлық білім беру ұйымдарына «тосыннан тексеру» қағидаты бойынша ерекше бақылау мен қадағалау жүйесі енгізілді.
Бұл балаларды сауықтыру, олардың қауіпсіздігі мен тамақтану мәселелеріне қатысты. Осыған орай Денсаулық сақтау, Оқу-ағарту, Мәдениет, Еңбек және әлеуметтік қорғау, Туризм және Ішкі істер министрліктері әкімдіктермен бірлесіп, ерекше бақылау мен қадағалауға жататын нысандар тізілімін дайындады.
Елімізде 8 мыңнан астам мектеп бар. Оларда 4,1 млн-нан астам оқушы білім алады. 2025/2026 оқу жылында 363 461 жеткіншек алғаш рет білім ордасы табалдырығын аттады.
