Алакөл ауданындағы Ақши ауылында орналасқан «Жалын» лагерінде «Жетісу облысының қоғамдық даму басқармасы» ММ, «Jetisu jastary» КММ және «Жетісу жастары ұйымының Конгресі» бірлесіп ұйымдастыруымен Жетісу облысының көшбасшы әйелдерін оқыту бойынша «Tomiris» жобасы өтті.
Жоба аясында, облысымыздың белсенді 50 қыз-келіншектердің қатысуымен олардың көшбасшылық әлеуетін арттыруға арналған 5 түрлі бағыттан тұратын 3 күндік оқыту курсы өтті. Спикерлер қатарында: Жетісу облысының маслихат төрағасы — Гүлнар Тойлыбаева, Ақын, Қазақстан Жазушылар Одағының мүшесі, «Білте» қоғамдық қорының президенті — Мақпал Мыса, Жетісу облысы әдістемелік орталығының әдіскері, психолог — Талшын Жанабекова, Облыстық мәслихат депутаты, «Алматинские краски» ЖШС директорының орынбасары — Римма Салыкова, Шешендік өнер мен көшбасшылық бағыт бойынша коуч-тренер — Ержан Дәулетбаев болды.
Қатысушыларға арнайы әзірленген блокнот, эко пакет, бейджик, қалам, папка жабдықтары және курсының соңында қатысушыларға курсты оқығанын растайтын сертификаттар табысталды.
Жобада өз әлеуетін, өмірлік маңызды дағдылары мен көшбасшылық қасиеттерін дамытуға, бастамашыл идеялар мен жобаларды іске асыруға мүдделі 18 жастан 35 жасқа дейінгі әйел азаматтары шақырылды.
Жобаның басты мақсаты — әйелдердің облыстық саяси өмірге белсенді қатысу мүмкіндіктерін кеңейту үшін көшбасшылық дағдыларды үйрету арқылы әйел азаматтарының әлеуеттін арттыру.Және саяси, әлеуметтік-экономикалық өмірге белсенді тарту мүмкіндігін кеңейту.
Дана АХМЕТОВА
