Су тасқынын болдырмау және қауіпсіздікті қамтамасыз ету үшін Қаратал өзенінің арнасын түзету жұмыстары жүріп жатыр.
Қалалық шұғыл ден қою жасағының құрамына кіретін Талдықорған қаласының ірі кәсіпорындары өзен арнасын механикаландырылған тазарту және түзету жұмыстарына көмек көрсетуде.
Мамандар өзен арнасының шамамен 2 шақырымнан астамын тазартуды жоспарлап отыр.
Қазір облыстық перинаталдық орталықтан Жансүгіров көшесіндегі көпірге және кірме жолдарға дейін түзету жұмыстары жүргізілуде.
Алдағы уақытта осындай жұмыстар Назарбаев даңғылы мен Жансүгіров көшесінің көпірлері арасында атқарылатын болады.
Бұл шараға 3 экскаватор, бульдозер, тиегіш, екі жүк машинасы тартылды. Жұмыстар 15 қазанға дейін жалғасады.
