Жетісу облысында 358 елді мекеннің 331-і орталықтандырылған сумен қамтамасыз етуге жатады. Қазіргі уақытта 327 елді мекен қамтылды. 2024 жылдың қорытындысы бойынша облыс халқының 99,7%-ы орталық сумен жабдықтауға қол жеткізді. Бұл республика бойынша ең жоғары көрсеткіштердің бірі.
Биыл қалған 4 ауылды ауыз сумен қамтамасыз етеміз. Бұл Ақсу ауданы Қопалы, Панфилов ауданы Жиделі, Алакөл ауданы Қоңыр және Қаратал ауданы Ұмтыл ауылдары. Осылайша, біз облыстың барлық елді мекендерін ауыз сумен толық қамтимыз.
Сонымен қатар, 2024 жылдың қорытындысы бойынша 267 км сумен жабдықтау желілерін салу және реконструкциялау бойынша 16 жоба іске асырылды.
Нәтижесінде, 14 елді мекенде ауыз судың сапасы жақсарды, 2 ауыл орталықтандырылған сумен жабдықтауға қосылды. Олар Алакөл ауданы Тоқжайлау, Бибақан ауылдары.
Оның ішінде, ауыз толтырып айтатын өткен жылғы жобалардың бірі, ол Қаратал ауданының Көпбірлік ауылының тұрғындарын сапалы ауыз сумен қамтамасыз ету. 30 жыл бойы ауыл тұрғындары таза ауыз суға мұқтаж болды. Судағы тұз деңгейі нормадан
10 есеге артып, бұл халықтың алаңдауын тудырды. Осыған орай, өткен жылы Көпбірлік ауылының ауыз су сапасының мәселесі толығымен шешілді. Қазіргі уақытта ауыз су сапасы нормаға сәйкес.
Сондай-ақ, осы жылы сумен жабдықтау сапасын жақсарту бойынша 16 жоба іске асырылуда. Оның ішінде, аса маңызды жобалардың бірі — Кербұлақ ауданы Сарыөзек, Алакөл ауданы Лепсі және Текелі мен Талдықорған қалалары тұрғындарын сапалы ауыз сумен қамтамасыз ету.
Нәтижесінде биыл 500 шақырымға жуық желі қайта жаңартылып, облыстың барлық 331 елді мекені орталықтандырылған сумен қамтылады.
Осылайша, жыл соңына дейін Мемлекет басшысының барлық елді мекендерді ауыз сумен 100%-ға қамтамасыз етуге қатысты тапсырмасы орындалатын болады.
ЖЕТІСУ АҚПАРАТ
Фото: © Public Domain
