Облыстық полиция мен Талдықорған қалалық прокуратурасы бірқатар алаяқтық жасады деген күдікке ілінген бір топ адамға қатысты қылмыстық істі тергеуді аяқтады. Тергеушілердің мәліметінше, 37 адам қылмыстық жүйенің құрбаны болған. Іс материалдары сотқа жіберілді.
Іс бойынша сотталушылар – Алматы облысы, Талғар ауданы, Гүлдала ауылының 31 жастағы тұрғыны мен оның сыбайласы, Талдықорған қаласының 25 жастағы тұрғыны. Тергеушілердің айтуынша, әйелдер алдын ала сөз байласып, интернет-дүкеннен несие рәсімдеу арқылы ақша жымқырған.
Анықталғандай, 2024 жылдың қазан айында күдіктілердің бірі желі қолданушыларын алдау негізінде қылмыстық жоспар құрған. Азаматтарға қаражатты «қолма-қол ақшаға алу», несиені қайтару және комиссия төлеу арқылы тауарларға несие ұсынылған. Алаяқтар ойын жүзеге асыру үшін туыстарына тіркелген банк шоттарын пайдаланған. Бастапқыда күдіктілер кейбір уәделерін орындап, төлем жасап, несиені ішінара өтеген.
Алданған жәбірленушілер өздері несие алып қана қоймай, өздерінің достары мен туыстарын қызықтырып, жәбірленушілер шеңберін одан әрі кеңейткен. Қылмыстық әрекеттер нәтижесінде жалпы сомасы 80 миллион теңгеден астам шығын келтірілген.
Айдар Қалиев
