Футболдан Қазақстан ұлттық құрамасының бас бапкері Талғат Байсуфинов маусым айында Армения және Мажарстанмен өтетін жолдастық кездесуге шақырту алған ойыншылардың нақты тізімін жариялады. Шақырту алған 25 ойыншының қатарында «Жетісудың» капитаны Серікжан Мұжықов та бар.
Қазақстан ұлттық құрамасы 6 маусымда Еревандағы «Вазген Саркисян» атындағы алаңда Армениямен, ал 9 маусымда Дебрецендегі «Надьердеи» стадионында Мажарстан құрамасымен жолдастық кездесу болады. Ойыншылар оқу-жаттығу жиынын 29 мамырмен 4 маусым аралығында Шымкент қаласында өткізеді.
Талғат Маруанұлы нақтылаған футболшылардың тізімі:
Қақпашылар: Темірлан Анарбеков («Қайрат»), Александр Заруцкий («Ақтөбе»), Бекхан Шайзада («Ордабасы»).
Қорғаушылар: Нұрәлі Әліп («Зенит», Ресей), Александр Мрынский, Еркін Тапалов (екеуіде «Қайрат»), Ян Вороговский, Әлібек Қасым (екеуіде «Ақтөбе»), Сергей Малый («Ордабасы»), Арсен Әшірбек («Елімай»), Санжар Сатанов («Атырау»), Сағи Совет («Қайсар»).
Жартылай қорғаушылар: Рамазан Оразов («Елімай»), Жасұлан Әмір («Ордабасы»), Исламбек Қуат («Жеңіс»), Дінмұхамед Қараман («Астана»), Серікжан Мұжықов («Жетісу»), Әбдінұр Нұрымбет («Оқжетпес»).
Шабуылшылар: Дастан Сәтпаев («Қайрат»), Ғалымжан Кенжебек, Макисм Самородов (екеуіде «Ахмат»), Ислам Чесноков («Хартс», Шотландия), Роман Мұртазаев («Елімай»), Мағжан Тоқтыбай («Ордабасы»), Мақсат Абраев («Астана»).
Серікжан Мұжықов осыған дейін Ұлттық құрамада 29 ойынға қатысып, 2 гол салды. Биылғы ел чемпионатында «Жетісу» сапында 11 матч ойынап, 2 гол салып, 1 пас берді.
