Ақпанның алтысында аудандық Мәдениет үйінде өлкетанушы, тарихшы, спорт ардагері Қалипаш Иманғалиұлы Забылхановты еске алуға арналған шахматтан турнир өтті. Жарыста 20 шахматшы, оның ішінде 6 жасөспірім бақтарын сынады.
Турнирдің ашылу салтанатында аудандық ардагерлер ұйымының төрағасы Қадыл Жанасбеков жарысқа қатысушыларға сәттілік тіледі. Келесі сөз кезегін алған Сарқан ауданының Құрметті азаматы, марқұмның қарындасы Жұмағайша Саржанова, туыстары атынан Досжан Тазабеков, қызы Арайлым Забылханова Қалипаш Иманғалиұлының қысқаша өмірбаянымен таныстырып, ол кісінің өмірінде шахматтың ерекше орын алғанын атап өтті.
Турнир швейцар жүйесі бойынша өтті. Сайыс нәтижесінде жасөсіпірімдер арасынан Бейбарыс Жұмағали, Бисұлтан Жақсылық, Нұртас Әлсейіт топ жарса, ересектер арасындағы сайыста Марат Сегизбаев, Әсет Исагулов, Асылжан Сүлейменов жүлделі орындарды еншіледі.
Жомарт ИГІМАН
Сарқан ауданы
