Жетісу облысының құрметті тұрғындары!
2024 жылдың 15 наурызы, жұма күні Жетісу облысының барлық елді мекендерінде жергілікті тұрғындар арасынан ауылдық футбол, волейбол және баскетбол федерацияларының президенттерін сайлау үшін ауыл тұрғындарының (ерсектер мен балалар) жиындары өтеді. Ауылдық федерациялардың сайланған президенттері сонымен бірге жоғарыда көрсетілген спорт түрлері бойынша ауылдық округ әкімінің кеңесшісі болып саналады. Жиындар кезінде ауылдық округтердегі балаларға доптар таратылады. Өздеріңізді толғандырған сұрақтар бойынша ауылдық округтер әкімдеріне хабарласа аласыздар.
2024 жылдың 29 наурызы, жұма күні аудандық футбол, баскетбол және волейбол федерацияларының президенттері сайланады. Сайланған президенттер өз кезегінде облыстық футбол, баскетбол және волейбол федерацияларының президенттерін сайлайд. Өздеріңізді толғандырған барлық сауалдар бойынша аудан, қалалық ішкі саясат, мәдениет, спорт және тілдерді дамыту бөліміне хабарласа аласыздар.
Ескерту: ауылдық, аудандық және облыстық федерациялар президенттерін сайлау барысында спорттық федерациялардағы қоғамдық жұмыстарда тәжірибесі бар үміткерлерге, шаруа қожалықтарының жетекшілеріне, жергілікті кәсіпкерлер мен меценаттарға артықшылықтар беріледі.
Фото: dzen.ru
