Ел намысын әлемдік додадарда қорғап жүрген қазақстандық спортшы Шавкат Рахмонов UFC турнирінде тағы да жеңіске жетті.
Дәлірек айтқанда, Қазақстандық спортшы Шавкат Рахмонов (17-0) америкалық қарсыласы Джефф Нилмен (15-5) жекпе-жекте жеңіс туын желбіретті.
Жекпе-жек Лас-Вегаста (АҚШ) UFC 285 турнирінде өтті. Осыған дейін белгілі болғандай отандасымыздың қарсыласы UFC-дің үздік файтері деп есептелетін америкалық Джефф Нил-тін (15-4).
Осыған дейін сарапшылар арасында жеңіс пен жеңіліс туралы түрлі пікір айтылып келген жекпе-жек үшінші раундтың соңында аяқталды. Пайда Шавкаттың еншісіне бұйырды.
Рахмонов бұған дейін 17 кәсіби жекпе-жек өткізіп, барлығында мерзімінен бұрын аяқтады. Сарапшылардың пікірінше, спортшының осы жеңісінен кейін UFC рейтингінде көтерілуіне мүмкіндік бар.
Фото: sports.kz
«ЖЕТІСУ» АҚПАРАТ
