«Қайрат» мектебінің түлегі Словакияға Кипрдің екінші лигасынан ауысып барды, онда төрт матчта бес гол соғып, жоғары нәтиже көрсеткен.
«Кошице» клубының директоры Марек Шапара қазақстандық футболшының мықты тұстарын атап өтті.
«Біз 2,5 жылға келісімшартқа қол қойдық. Кенжебектің әлеуеті бар. Оның сәтті өнер көрсететініне сенімдімін», – деді Марек Шапара.
Келісімшартқа қол қойғаннан кейін Ғалымжан Кенжебек те өз пікірін білдірді.
– Мен «Кошице» клубының бай тарихы бар екенін және мұнда амбициясы зор ұжым құрылғанын білемін. Клубтың биік мақсаттарға жетуіне көмектескім келеді, көктемде бұл үздік алтылыққа ену үшін күрес болмақ. Егер команда да маған нәтижемді арттыруға қолдау көрсетсе, қуаныштымын. Әрине, «Кошице» сапындағы өнер көрсетуім Қазақстан құрамасына шақырту алуыма ықпал етсе, ол да қуантады. Бірақ менің басты міндетім – клубқа көмектесу. Құрамада жақсы ойнай бастадым және осы деңгей мен голдарды клуб деңгейінде де жалғастыратыныма сенемін, – деді Ғалымжан Кенжебек.
«Кошице» Словакияның жоғары лигасында 12 команданың ішінен 7-орында тұр. Бұрын елдің екі дүркін чемпионы атанған. Клуб тарихындағы ең танымал ойыншылардың бірі Неманья Матич, ол 2009 жылы «Челси» командасына ауысқан және 2016 жылдан бері Еуропа чемпионатына тұрақты қатысып жүрген Онджей Дуда бар.
Қали АСҚАР
Фото: ФК «Кошице»
