Бүгін футзалдан әлем чемпионаты финалдық сатысындағы Қазақстан құрамасының қарсыластары анықталды.
Дүбірлі дода 14 қыркүйек-6 қазан аралығында Өзбекстанның Ташкент, Бұхара және Әндіжан қалаларында болады.
Ел құрамасы D тобында сынға түседі. Қарсыластары — Испания, Жаңа Зеландия және Ливия құрамалары.
Құрамалардың топтарға бөлінісі төмендегіше:
А тобы: Өзбекстан, Нидерланд, Парагвай, Коста-Рика
В тобы: Бразилия, Куба, Хорватия, Таиланд
С тобы: Аргентина, Украина, Ауғанстан, Ангола.
D тобы: Испания, Қазақстан, Жаңа Зеландия, Ливия.
Е тобы: Португалия, Тәжікстан, Марокко, Панама.
F тобы: Иран, Венесуэла, Франция, Гватемала.
Әлем чемпионаты 14 қыркүйек-6 қазан аралығында Ташкент, Бұхара және Әндіжан қалаларында болады. Қазақстан құрамасы әлем чемпионатының финалдық сатысында 2000, 2016, 2021 жылдарда сынға түсіп, 2021 жылы 4-орынға табан тіреді.
Айта кетсек, ФИФА-ның алғашқы рейтингісінде Қазақстан футзал құрамасы 4-орынға жайғасты.
Фото: kazfootball.kz
