Қытайдың Циндао қаласында өтіп жатқан әлемдік Гран-при турнирінде Елдос Сметов ширек финалда сүрінсе, қыздар арасындағы лидеріміз Әбиба Әбужақынова (48 келі) күтпеген жерден 26 жастағы әзірбайдандық Шафаг Хамидовадан жеңілді. Одан бөлек Талғат Орынбасар (60 келі) мен Бақыт Құсақбаева (57 келі) жарысты алғашқы айналымда аяқтады, – деп хабарлайды 7-su.kz ақпараттық порталы.
Қазақстан құрамасының көшбасшысы, 60 келіде күрескен Елдос Смтеов ширек финалда француз Энцо Джиннен жеңілді. Оның алдында Елдос әзербайжандық Балабай Агаевті, алғашқы белдесуде қытайлық Сунь Цзяхаоны жеңген еді. Сметовтің Гран-при медалі үшін күресуге мүмкіндігі бар. Ол жұбаныш кездесуінде жеңіске жетуі тиіс.
Тағы бір дзюдошымыз Ғұсман Қырғызбаев та ширек финалда күреседі. Оның қарсыласы – Руслан Пашаев (Әзербайжан).
