Қазақстандық велоспортшы Кенжеғұл Сейітжан Ханчжоуда өтіп жатқан Пара Азия ойындарының қола жүлдегері атанды, деп хабарлайды 7-su.kz желілік басылымы.
Әртүрлі уақытта басталатын жекелей сында отандасымыз үшінші нәтиже көрсетті. Ол 25:19.49 уақыт көрсеткішімен қашықтықты бағындырды. Оңтүстік Корея және Индонезия елі параспортшыларынан кейінгі жоғары нәтижені көрсетті.
Бұл Пара Азия ойындарында Қазақстан қоржынына түскен 32-ші медаль.
Айта кетейік, Кенжеғұл Сейітжан «Қазақстан халық партиясы» атынан тағайындалған VIII шақырылымдағы ҚР Мәжіліс депутаты.
