Сарқан ауданының Екіаша ауылында шаңғы жарысынан облыс чемпионаты өтті.
Жарыс шымылдығын ашқан Сарқан ауданының әкімі Ғалымжан Қанатұлы мен Жетісу облысының дене шынықтыру және спорт басқармасының басшысы Ұлан Ғалымұлы сайыскерлерге сәттілік тілеп, олжалы оралуларына тілек білдірді.
Аталған додаға Жетісу өңірінің аудан қалаларынан 100 ден аса спортшысы қатысып, бақ сынасты.
Сарқан ауданының Екіаша ауылында шаңғы спортынан Жетісу облысының чемпионаты өтті.
Жарыс жас мөлшері 60 жасқа дейінгі әйелдердің сынға түсуімен басталды. Одан төменгі жас мөлшерлеріндегі қыз — келіншектер жарыс көркін қыздыра түсті.
Ерлер 1500 м, 3000 м және 5000 метр қашықтықта сынға түсті. Жалпы жарыс, әйелдерге қарағанда ерлер арасында өте тартысты өтті. Себебі, олардың арасында әр жылдары түрлі жарыстарда шыңдалған, тәжірибелі шаңғышылар аз болған жоқ.
Екі күндік жарыс қорытындысында жалпы командалық бірінші орынды Кербұлақ ауданының шаңғышылары жеңіп алды. Оларға облыстық дене шынықтыру және спорт басқармасының кубогы және ақшалай сыйлық табыс етілді. Екінші, үшінші орындарды Талдықорған қаласының және Алакөл ауданының командалары өзара бөлісті.
Алуа Бауыржанқызы
