World Boxing ұйымын әлемдік рейтингті жаңартты. Шығарған рейтингте еліміздің 5 боксшысы – ерлер арасында Санжар Тәшкенбай (50 келі), Махмұд Сабырхан (55 келі), Төрехан Сабырхан (70 келі) және Айбек Оралбай (+90 келі), ал әйелдер арасында Наталья Богданова (70 келі) көш басында тұр, – деп хабарлайды 7-su.kz ақпараттық порталы.
Одан бөлек ерлер арасында үздік үшті Оразбек Асылқұлов (60 келі, 3-орын), Сабыржан Аққалықов (75 келі, 3-орын) және Нұрбек Оралбай (80 келі, 2-орын) түйіндеді. Әйелдерде алғашқы қатардан Назым Қызайбай (48 келі, 2-орын), Алуа Балқыбекова (51 келі, 3-орын), Аида Әбікеева (65 келі, 2-орын), Надежда Рябец (80 келі, 3-орын) және Дина Исламбекова (+80 келі, 3-орын) көрінді.
Ал үздік 10 боксшының тізімінде Ертуған Зейнуллинов, Сұлтанбек Айбарұлы, Сағындық Тоғамбай, Әйгерім Сәттібаева, Виктория Графеева, Бақыт Сейдіш, Валентина Хальзова, Гүлсая Ержан және Елдана Тәліпова бар.
