Талдықорғанда футбол жанкүйерлерін үлкен спорттық мереке күтіп тұр. Қазақстан Премьер-Лигасының 17-туры аясында жергілікті «Жетісу» клубы өз алаңында Өскеменнің «Алтай» командасын қабылдайды, – деп хабарлайды 7-su.kz ақпараттық порталы.
Ойын 11 шілде күні сағат 18:00-де «Жетісу» орталық стадионында өтеді.
Футбол сүйер қауым үшін бұл матч ерекше маңызға ие. «Жетісу» командасы жанкүйерлердің қолдауымен чемпионаттағы орнын нығайтуды көздейді. Ал «Алтай» футболшылары Талдықорғанға тек жеңіс үшін келетіні сөзсіз. Екі команда да турнирлік кестедегі ұпай санын көбейту үшін барын салады.
Стадиондағы атмосфераны сезініп, сүйікті командаңызға қолдау көрсеткіңіз келсе, билеттерді алдын ала сатып алған жөн. Отбасыңызбен немесе достарыңызбен келіп, тартысты ойынның куәсі болыңыздар. Жас шектеуі жоқ, сондықтан кез келген жанкүйер стадионнан табыла алады.
Талдықорған, Қабанбай батыр көшесі, 90 мекенжайындағы стадионда өтетін бұл бәсеке чемпионаттың ең қызықты матчтарының біріне айналмақ. Жанкүйерлердің белсенді қолдауы командаларға қосымша күш береді.
