Талдықорғанда баскетболдан Ұлттық лиганың ойындары аясында «Жетісу» керекудің «Ертіс» командасымен кездесіп, екі күн болған ойында қарсыластарынан жеңілді. Евгений Прокопчик жаттықтыратын команда ел чемпионатындағы ең жас құрамалардың бірі, – деп хабарлайды 7-su.kz ақпараттық порталы.
«Жетісу» «Ертістен» (Павлодар) бірінші күні 66:80 (18:27, 18:16, 8:18, 22:19), екінші күні 64:76 (15:13, 18:15, 11:25, 20:23) нәтижесімен ұтылды.
– «Ертіспен» болған кездесу ойлағанымыздай болмады. Келесі ойында қателіктерімізден қорытынды шығарып, жанкүйерлерді қуантқымыз келеді, –дейді «Жетісу» баскетбол клубының ойыншысы Айя Нұрғожанова.
Турнирлік кестеде «Жетісудың» қыздары 12 ойыннан кейін 682 ұпаймен төртінші орында келеді. Алдында «Ертіс» (Павлодар; 14 ойын, 941 ұпай), «Tigers» (Астана; 12 ойын, 886 ұпай), «Барыстар» (Атырау; 12 ойын, 796 ұпай) бар.
«Жетісу» келесі ойынын 3-4 ақпанда Талдықорғанда «Tigers» (Астана) командасымен ойнайды.
