Талдықорған: +15°C
$ 443.96
€ 487.73
₽ 5.38
  • Комплаенс қызметі
  • Сыбайлас жемқорлық картограммасы
Advertisement
  • ЖАҢАЛЫҚТАР
  • ӘЛЕУМЕТ
  • ЭКОНОМИКА
  • САЯСАТ
  • РУХАНИЯТ
  • КҮЛТӨБЕ
  • БАСҚА
    • АЛТЫН ТҰҒЫР
    • АНАЛИТИКА
    • АРДЫҢ ІСІ
    • АРНАЙЫ ЖОБА
    • ДЕНСАУЛЫҚ
    • КҮНДЕРЕК
    • МІНБЕР
    • ПРЕСС-РЕЛИЗДЕР
жазу
No Result
View All Result
Writy.
  • ЖАҢАЛЫҚТАР
  • ӘЛЕУМЕТ
  • ЭКОНОМИКА
  • САЯСАТ
  • РУХАНИЯТ
  • КҮЛТӨБЕ
  • БАСҚА
    • АЛТЫН ТҰҒЫР
    • АНАЛИТИКА
    • АРДЫҢ ІСІ
    • АРНАЙЫ ЖОБА
    • ДЕНСАУЛЫҚ
    • КҮНДЕРЕК
    • МІНБЕР
    • ПРЕСС-РЕЛИЗДЕР
No Result
View All Result
No Result
View All Result
Басты бет ЖАҢАЛЫҚТАР АРДЫҢ ІСІ

МЕНІҢ МҰҢЫМ – МАХАББАТ

20 қазан 2024
АРДЫҢ ІСІ
МЕНІҢ МҰҢЫМ – МАХАББАТ
WhatsAppTelegramFacebook

Жанымның толқынындай тербетілген,

Сен менің тәтті үмітім,

шербетім бе ең?

Жалығып жүрген кезде жер бетінен,

Айдың нұры алаулап келбетіңнен;

келген ең…

Көз қарыққан,

жан ысынған,

ақылымнан таңғанмын, шабысымнан.

Кұмай көктен құлдилап жеткен сәулем,

Патшадай пұшайманмын тағы сынған.

Елемей дос қадірін,

жат шабұлын,

Күйреген көкіремде патшалығым.

Қаңсыған қорғандардың тасын құшып

Отырған ауышы едім ақ-сарының.

Сен келдің,

Дүр оянды самсап үміт,

Ақыл да қайта оралды сарсаң ұрып,

Қалыпты аңсауды да Ар сағынып,

Жасандым пейіштегі Жанша күліп.

 

***

Қайдасың сағынышым жаны мақпал?!

Өртендім,

өн бойымнан жалын ап қал.

Көңілдің күрең бағын жел кемірсе,

Жапырағын жоқтайды жамырап тал.

 

Бозарған боз дүниенің көзі аларып,

Боз жусан билей-билей тозады арып.

Қазанның азан-қазан аспанында

Бүйірсоғып маңғиды бозала бұлт.

 

Күз ғой бұл,

күрсінемін у сіміріп,

Қос қолым шарасыздан қусырылып

күп-күрең сағынышым,

сені іздеймін,

кеудемді беймәлім бір тылсым ұрып…

***

Үлпілдек құстың мамығындай ең,

мамықта қатқыл жүректен.

Сәбидің мөлдір шалығындай ең,

жымиған сайын дір еткем.

 

Ғазиз басыңа арай сіңіріп,

келгенсің қайдан жарқырап?

Тағдырдың уын талай сіміріп,

тепсініп жүрдім, арқырап.

 

Шағыр көз шаққан үттей-ақ жаның,

мұнар кеудеме жол салды.

Сүйкеніп едім сүттей ақ жаның,

ағартты кіршең аңсарды.

 

Нәп-нәзік үнге бөле де мені,

жетеле мінсіз сол шаққа ақ.

Күртік қар сынды керегедегі

Ерісін мұңым моншақтап;

 

рахаттанайын, бақыт табайын,

Балауса ерін өле өбіп.

Ағартқым келді уақыт самайын,

Мамыққа малтып, бөленіп…

 

Үлпілдек құстың мамығындай ең,

Мамықта қатқыл жүректен.

Сабидің мөлдір шалығындай ең,

Жымисаң ғой деп жыр еткем.

***

Телегей теңіз толқыны жауып,
Тәнімді тұтас жасырса.
Күмістен таққан шолпысы жарық,
Мойныма ғашық асылса.

Түпсізге терең шым бата берсек,
Тебірене құшып, толықсып.
Жағаға барқыт күн бата келсек,
Жан шарпылысынан талықсып.

Желегі манат құрақта жатып,
Қоңырқай сырды қотарсақ.
Тағанын кеше сұлатқан уақыт,
Ой ошағына от алсақ.

 

Әттең-ай, қиял қияндап кетті,

Мен тұрмын жалқы жағада.

Жанымды нендей күй арбап кетті,

бақыт та тұтам ғана ма?

Арманның уын сезіп ем, жұтып,
Көңілдің көлін мұз алды.
«Жалғыздығымды» көзіме шұқып,
көлеңкем кеште ұзарды.

***

Сен – шам нұры,

мен – көбелек,
Күйер болдым
о, не керек?
Пәруанамын ырқы кеткен,
Ықырармын –

о, керемет.

Ділбарымсың түн ұрлаған,
Сенсіз қараң жұмыр ғалам.
Нұр аңсаған көкірегімдей,
Іле сұлу сыбырлаған.

Ол Балқашын сүйіп, құлап,
Мен өзің деп күйіп, жылап,
толқын атып тебіренеміз
Мендік аңсар биік бірақ.

Махаббатым, мәхбүбімсің,
Жан балқытқан нақ күнімсің.
Өбе алмасам от ерінді,
Жұмыр жүрек қақ тілінсін.

 

***

Тулаған жүрек-жетіген,

саз құсады мұңсіңді.

Қайырылмай самғап кетіп ең,

Қансырап батқан күн сынды.

                   

Бара ғой, бар-бар, ақ құсым –

періште қанат, пейіл кең.

Беймезгіл келген бақпысың,

бақпысың будай сейілген?..

Жырыма азық – өткен күн,

Жүректің жерік шанағы.

Сазына басып көктемнің,

Симфония туып барады.

Сағыныш – ақын сорабы,

Соңымда қалсын жыр ізім.

Самғадың сезім қонағы,

Бағымды ұрлап бір үзім.

Бара ғой, бар-бар, ақ құсым,

қанатың талмай қалықта.

Қос көктем жүрдің, жатбысың?

Өмір ғой, өмір,

Жабықпа!..

 

Асыл СҰЛТАНҒАЗЫ
Фото: dzen.ru 

Қатысты жаңалықтар

Дрондар додасы:  мемлекеттік органдар арасында ауқымды жарыс өтті

Дрондар додасы: мемлекеттік органдар арасында ауқымды жарыс өтті

Бүгін, 20:31
Қазақстан Тәуелсіздігінің 35 жылдығына дайындық қарқынды жүргізілуде

Қазақстан Тәуелсіздігінің 35 жылдығына дайындық қарқынды жүргізілуде

Бүгін, 19:27
Ғылым министрлігі ҚазҰУ-да кешенді мониторинг жүргізеді

Ғылым министрлігі ҚазҰУ-да кешенді мониторинг жүргізеді

Бүгін, 19:21
Еңбек ұжымдарына Жолдау міндеттері түсіндірілді

Еңбек ұжымдарына Жолдау міндеттері түсіндірілді

Бүгін, 19:13
«Әділет» партиясы: Жетісуда мәдениет саласының инфрақұрылымы жаңарады

«Әділет» партиясы: Жетісуда мәдениет саласының инфрақұрылымы жаңарады

Бүгін, 18:39

«7-su.kz» желілік басылымы

Меншік иесі: ШЖҚ «Жетісу Медиа» МКК

Қазақстан Республикасы, Жетісу облысы, Талдықорған қаласы, Жұмахан Балапанов көшесі 28, 4-қабат. Индекс: 65469

Веб-сайт редакторы: Асыл Сұлтанғазы

«www.7-su.kz» желілік басылымы Қазақстан Республикасы Ақпарат және коммуникация министрлігі Ақпарат комитетінде 2023 жылғы 13 ақпанда тіркеліп, №KZ38VPY00064529 куәлігі берілген.

Сыбайлас жемқорлыққа қарсы күрес мәселелері бойынша сенім телефоны: +7 (777) 388 0990

Facebook Instagram Youtube
  • БАСТЫ БЕТ
  • ЖАҢАЛЫҚТАР
  • БАЙЛАНЫС
  • ЖАРНАМА
  • ГАЗЕТКЕ ЖАЗЫЛУ
  • АРНАЙЫ ЖОБА
© 2011 — 2025 7-su.kz — барлық авторлық құқық заңмен қорғалған.
No Result
View All Result
  • ЖАҢАЛЫҚТАР
  • ӘЛЕУМЕТ
  • ЭКОНОМИКА
  • САЯСАТ
  • РУХАНИЯТ
  • КҮЛТӨБЕ
  • БАСҚА
    • АЛТЫН ТҰҒЫР
    • АНАЛИТИКА
    • АРДЫҢ ІСІ
    • АРНАЙЫ ЖОБА
    • ДЕНСАУЛЫҚ
    • КҮНДЕРЕК
    • МІНБЕР
    • ПРЕСС-РЕЛИЗДЕР

© 2011 - 2025 7-su.kz - барлық авторлық құқық заңмен қорғалған.