Талдықорған: +15°C
$ 443.96
€ 487.73
₽ 5.38
  • Комплаенс қызметі
  • Сыбайлас жемқорлық картограммасы
Advertisement
  • ЖАҢАЛЫҚТАР
  • ӘЛЕУМЕТ
  • ЭКОНОМИКА
  • САЯСАТ
  • РУХАНИЯТ
  • КҮЛТӨБЕ
  • БАСҚА
    • АЛТЫН ТҰҒЫР
    • АНАЛИТИКА
    • АРДЫҢ ІСІ
    • АРНАЙЫ ЖОБА
    • ДЕНСАУЛЫҚ
    • КҮНДЕРЕК
    • МІНБЕР
    • ПРЕСС-РЕЛИЗДЕР
жазу
No Result
View All Result
Writy.
  • ЖАҢАЛЫҚТАР
  • ӘЛЕУМЕТ
  • ЭКОНОМИКА
  • САЯСАТ
  • РУХАНИЯТ
  • КҮЛТӨБЕ
  • БАСҚА
    • АЛТЫН ТҰҒЫР
    • АНАЛИТИКА
    • АРДЫҢ ІСІ
    • АРНАЙЫ ЖОБА
    • ДЕНСАУЛЫҚ
    • КҮНДЕРЕК
    • МІНБЕР
    • ПРЕСС-РЕЛИЗДЕР
No Result
View All Result
No Result
View All Result
Басты бет ЖАҢАЛЫҚТАР АРДЫҢ ІСІ

Менің атам – майдангер

Екінші дүниежүзілік сұрапыл соғыс уақытында қазақ жауынгерлері көзсіз ерлік көрсетті. Ел басына қиын-қыстау күн туғанда батырларымыз қолына қару алып, Отан үшін қанын төгіп, жанын берді. Майдан даласында оқ пен оттың арасында жауға қарсы күресіп, ерлік көрсеткен жауынгерлердің қатарында менің атам Жексенбай Мыңбаев та бар.

5 ақпан 2026
АРДЫҢ ІСІ
Менің атам – майдангер
WhatsAppTelegramFacebook

Зұлмат соғыстың зардабын көрген атам 1924 жылғы мамыр айында Көксу ауданы Алғабас ауылында дүниеге келген. Әкесі Мыңбай мен анасы Күлсіннен туған төрт баланың бірі еді. Оның балалық шағы ел тарихындағы ең бір ауыр кезеңдермен тұспа-тұс келді. Сол бір қиын-қыстау жылдары анасы Күлсін әже ауылдағы жұмысшыларға даяшы болды. Қазанға 2-3 кесе арпа мен бидайды суға қайнатып, адамдарға үлестіреді екен. 1931-1932 жылдары ауыл азаматтары орталықтандыруға бейімделіп, ұжымшар құру ісіне кірісті. Үлкен істің басында атамыз Жексенбай, әкесі Мыңбай мен ағалары Қаман, Дүйсенбай да қатар жүрді. Олар бір жағадан бас, бір жеңнен қол шығарып, елді ұйыстыра білді.

Атам 1939 жылы ауылдағы сегіз жылдық мектепті тамамдаған соң, ұжымшар жұмысына белсене араласты. 1941 жылы соғыс басталып, атамыздың әкесі мен екі ағасы алғашқылардың бірі болып майданға аттанды. Басында хаттары үзбей келіп тұрды. Соңғы хаттарында Сталинград майданына кіргелі тұрғандарын жазған. Содан кейін үшеуінен де қара қағаз да, хабар да келмеген. Бұл сынаққа қоса, отбасындағы жалғыз қарындасының мезгілсіз қазасы да ауыр соққы болды. Ал 1942 жылы атамыз небәрі 18 жасында майдан даласына шақыртылды. Шығарып салған туыстарымыздың айтуынша, бойы кіп-кішкентай атамыз Айнабұлақ стансысында винтовка асынып тұрған кезде, мылтығы жерге тиіп тұрыпты. Бойы жетпеген жас жігітті көтеріп, пойызға мінгізіп жіберген екен. Эшелонмен Аягөзге жеткізіліп, Орта Азия әскери округіндегі оқу орталығында бір айдай дайындықтан өтіп, автоматшы болып майданға аттанады. Ол бірден Мәскеуді қорғау жолындағы қиян-кескі ұрыстардың ортасынан бір-ақ шығады. Сол күндердің бірін атамыз былай еске алып:

– Соғыста қасымнан бомба жарылып, шекемнен шарт ете қалғандай болды. Бір кезде есімді жиып қарасам, маңдайымнан аққан қан бетімді жауып кетіпті. Көз алдымда ештеңе көрінбейді. Аяғымның ұшы ғана байқалады. Бір күбірлеген дауыстар естіледі, бірақ неміс пе, орыс па ажырата алмадым. Автоматым мойнымда. Даусымды ақырын шығарып едім, жаралылар мен өліктерді жинап жүрген медбикелер екен. Мені зембілге салып әкетті. Есімді Кутаиси қаласында жинадым. Ауыр жарақат алыппын, – дейтін.

Госпитальда емделіп, жарасы жазылған соң, атамыз қайтадан майданға аттанады. Берлинге дейін жаяу соғысып барып, немістерді тізе бүктірді. Кейін Польша астанасы Варшаваны азат ету шайқастарына қатысыпты.

1945 жылы 25 қыркүйекте КСРО Жоғарғы Кеңесі Президиумының жарлығымен, 4 рет жараланғанына және І топ мүгедектігіне байланысты демобилизацияланған атам қан майданда көрсеткен ерлігі үшін І дәрежелі Отан соғысы орденімен, II және III дәрежелі Даңқ ордендерімен, «Ерлігі үшін», «Жауынгерлік еңбегі үшін» медальдарымен, сондай-ақ, «Берлинді алғаны үшін», «Варшаваны азат еткені үшін» және «Германияны жеңгені үшін» берілген медальдармен марапатталады.

Атамыз ешқашан өзін батыр санап, ерлігін айтып мақтанған емес. Ол өте қарапайым, сабырлы адам болатын. Соғыс жайлы сұрай қалсақ, «сол бәлені еске алмай-ақ қояйықшы» деп орнынан тұрып кететін. Біз де көп сұрақ қоя бермейтінбіз. Мүмкін, жастық шағы қан майданда қалып, әкесінен, бауырларынан айырылған қасіретті күндерді қайта еске алғысы келмегені болар.

Соғыстан кейін, 1945 жылдың соңында елге оралып, 1947 жылы Сара әжемізбен шаңырақ көтереді. Алты ұл, үш қыз тәрбиелеп өсіріп, ұрпағының қызығын көрді. Шұбардағы ауыл шаруашылық техникумын бітіріп, «агроном» мамандығын алып, ауылда қызмет етті. Біраз жыл ауылдық кеңес төрағасы болып, кейіннен қойма меңгерушісі ретінде де жауапкершілікпен жұмыс істеді.

Атамыз 1992 жылдың 21 ақпанында өмірден өтті. Зират басында ауыл ақсақалы, соғыс ардагері Атай Жексенбаев көзіне жас алып тұрып: «1944 жылы Одер өзенінің бойында су алуға кетіп бара жатқанымда, «Аға!» деген дауысты естідім. Қарасам, бір жігіт тұр. «Атай аға, бұл сіз бе?» дейді. Әй, сен Дүйсенбайсың ба, әлде Қамансың ба? десем, «жоқ, мен Жексенбаймын» деді. Мен соғысқа кеткенде ол 14-те еді. Құшақтасып ұзақ тұрдық. Кейін бізді екі жаққа бөліп әкетті», – деп еске алған еді.

Біз майдангердің ұрпағы ретінде Ұлы Жеңіс мерекесін асыға күтеміз. Себебі, Жеңісті жақындатқан жауынгерлердің ерлігін газетке жариялап, телеарналарда көрсеткен сайын өмірі өнегеге толы атамызды мақтанышпен еске аламыз.

Алмас МЫҢБАЕВ
немересі
Көксу ауданы

Қатысты жаңалықтар

Дрондар додасы:  мемлекеттік органдар арасында ауқымды жарыс өтті

Дрондар додасы: мемлекеттік органдар арасында ауқымды жарыс өтті

Бүгін, 20:31
Қазақстан Тәуелсіздігінің 35 жылдығына дайындық қарқынды жүргізілуде

Қазақстан Тәуелсіздігінің 35 жылдығына дайындық қарқынды жүргізілуде

Бүгін, 19:27
Ғылым министрлігі ҚазҰУ-да кешенді мониторинг жүргізеді

Ғылым министрлігі ҚазҰУ-да кешенді мониторинг жүргізеді

Бүгін, 19:21
Еңбек ұжымдарына Жолдау міндеттері түсіндірілді

Еңбек ұжымдарына Жолдау міндеттері түсіндірілді

Бүгін, 19:13
«Әділет» партиясы: Жетісуда мәдениет саласының инфрақұрылымы жаңарады

«Әділет» партиясы: Жетісуда мәдениет саласының инфрақұрылымы жаңарады

Бүгін, 18:39

«7-su.kz» желілік басылымы

Меншік иесі: ШЖҚ «Жетісу Медиа» МКК

Қазақстан Республикасы, Жетісу облысы, Талдықорған қаласы, Жұмахан Балапанов көшесі 28, 4-қабат. Индекс: 65469

Веб-сайт редакторы: Асыл Сұлтанғазы

«www.7-su.kz» желілік басылымы Қазақстан Республикасы Ақпарат және коммуникация министрлігі Ақпарат комитетінде 2023 жылғы 13 ақпанда тіркеліп, №KZ38VPY00064529 куәлігі берілген.

Сыбайлас жемқорлыққа қарсы күрес мәселелері бойынша сенім телефоны: +7 (777) 388 0990

Facebook Instagram Youtube
  • БАСТЫ БЕТ
  • ЖАҢАЛЫҚТАР
  • БАЙЛАНЫС
  • ЖАРНАМА
  • ГАЗЕТКЕ ЖАЗЫЛУ
  • АРНАЙЫ ЖОБА
© 2011 — 2025 7-su.kz — барлық авторлық құқық заңмен қорғалған.
No Result
View All Result
  • ЖАҢАЛЫҚТАР
  • ӘЛЕУМЕТ
  • ЭКОНОМИКА
  • САЯСАТ
  • РУХАНИЯТ
  • КҮЛТӨБЕ
  • БАСҚА
    • АЛТЫН ТҰҒЫР
    • АНАЛИТИКА
    • АРДЫҢ ІСІ
    • АРНАЙЫ ЖОБА
    • ДЕНСАУЛЫҚ
    • КҮНДЕРЕК
    • МІНБЕР
    • ПРЕСС-РЕЛИЗДЕР

© 2011 - 2025 7-su.kz - барлық авторлық құқық заңмен қорғалған.