Қазақстан аумағындағы суларда балықтардың көктемгі уылдырық шашу кезеңі басталды. Осыған орай жергілікті маңызы бар су айдындарында балық ресурстары мен басқа да су жануарларының уылдырық шашуы мен көбеюі кезеңіне байланысты балық аулауға тыйым салынады.
Балқаш – Алакөл облысаралық бассейндік балық шаруашылығы инспекциясының (бұдан әрі – Инспекция) 2026 жылғы 19 наурыздағы №23 бұйрығына сәйкес балықтардың уылдырық шашу кезеңінде Балқаш көліне құятын сағалардан ағысымен жоғары бағытта өзеннің жалпы ұзындығымен және оның негізгі сағалары, сондай-ақ, Балқаш көлінің ішкі бағыттарында және екі жақтағы 5 шақырым кеңістіктегі сағаларды, жылғалар мен жайылымдарды қоса алғанда Қаратал, Ақсу, Лепсі, Аягөз өзендерінде 15 сәуірден 1 маусымды қоса алғандағы аралықта балық аулауға тыйым салынғанын хабарлайды.
Бұл шара тек балықтарды қорғап қана қоймай, ел аумағындағы сулар мен жағалауларды түрлі қоқыстардан, тастанды торлар мен аулардан, жағалау аумақтарын тұрмыстық қоқыстардан, қатты қалдықтардан арылтуға бағытталған.
Батыйхан СҰЛТАНОВ,
Қаратал балық испекциясының бас маманы
