Өткен тәулікте Алматы облысында 270 адам індет жұқтырды. Сондай-ақ, бір күнде 365 коронавирустан жазылып шықты. Бірақ облыс әлі «қызыл аймақта» тұр. Бұл туралы «Жетісу» газеті хабарлады.
Соның ішінде, Талдықорған қаласында — 82, Талғар ауданында – 42, Еңбекшіқазақ ауданында – 20, Ескелді және Панфилов аудандарында — 18, Жамбыл ауданында – 12, Қарасай ауданында – 10, Іле және Ұйғыр аудандарында — 9, Қаратал ауданында – 8, Ақсу және Көксу аудандарында — 7, Балқаш ауданы мен Қапшағай, Текелі қалаларында — 6, Кербұлақ және Кеген аудандарында — 4, Райымбек және Сарқан аудандарында — 1 жағдайдан тіркелді.
1 қыркүйектегі жағдай бойынша өңірде 3099 адам стационарлық ем қабылдауда. Бір тәулікте ауруханаларға 277 адам түсті. Ауруханалардағы төсек-орындар саны — 6080. Төсек-орын жүктемесі – 50,9 пайыз.
Соңғы үш күнде 6589 адамның сынамалары ПЦР зертханаларда тексерілді. Науқастармен қарым-қатынаста болған 36 адам анықталып, барлығы үй карантиніне және медицина қызметкерлерінің бақылауына алынды.
Алматы облысы бойынша коронавирусқа қарсы вакцинаның 1-ші компонентін алғандар саны – 675 128. Соның ішінде, өткен күні екпе алғандар саны – 4102. Екпенің 2-ші компонентін алғандар саны – 553 345. Соның ішінде өткен күні екпе алғандар саны – 6763.
«ЖЕТІСУ-АҚПАРАТ»
