Қазақстанда коронавирусқа қарсы ресейлік «Спутник-V» вакцинасын толықтай (бірінші және екінші компонентін) қабылдағандар саны (12 сәуірдегі көрсеткіш бойынша) 105 мың 392 адамға жетті. Оның ішінде, 10 мың 367-сі Алматы облысының тұрғыны. Бұл туралы «Жетісу» газеті хабарлады.
Айта кетейік, екі компоненті бойынша толық екпе қабылдағандар саны Алматы қаласы мен Түркістан облысында көп. Одан кейінгі орындарда Алматы облысы және Нұр-Сұлтан қаласы тұр. Ал ең азы Маңғыстау облысында тіркелген. Алматы облысында екпенің бірінші компонентімен осы уақытқа дейін 32 мың 651 адам қамтылған. Бұл көрсеткіш күннен-күнге өсуде. Қазақстандағы заңнамаға сәйкес, екпе салдыру ерікті болып саналады.
Еске салсақ, Қазақстан Президенті коронавирусты жеңудің бірден-бір жолы екпе салдыру екенін айтқан болатын. Қазіргі таңда облыста вирус жұқтыру деңгейі алдыңғы апталармен салыстырғанда екі есеге өскен. Мәселен, өткен тәулікте Алматы облысында 283 адам коронавирусқа шалдықты.
«ЖЕТІСУ-АҚПАРАТ»
Сурет ғаламтордан алынды
