Қазақстанда жыл сайын бейнеэндоскопиялық жабдықты пайдалана отырып, химиотерапиямен үйлесімде 30 мыңға жуық онкологиялық операция жасалады, деп хабарлады Денсаулық сақтау министрі Ақмарал Әлназарова Қазақстан Республикасы Президентінің жанындағы Адам құқықтары жөніндегі комиссияның отырысында.
Семей қаласында Қазақстанда алғаш рет радионуклидтік терапия енгізілген Ядролық медицина орталығы ашылды.
Сүйек онкопатологиясы кезінде инновациялық 3-Д протездеу сәтті қолданылады.
Жыл сайын 12 мыңнан астам пациент сәулелік терапия (томотерапия, стереотаксис, IMRT, IGRT) алады.
2024 жылдың 7 айының қорытындысы бойынша өткен жылдың сәйкес кезеңімен салыстырғанда ҚР-да қатерлі ісіктерден болатын өлім 3,2%-ға төмендеді.
Сондай-ақ, елімізде кардиология, кардиохирургия, невропатология, нейрохирургия, травматология, ортопедия сияқты 7 бейін бойынша пациенттерге медициналық оңалту жүргізіледі. 2024 жылдан бастап қатерлі ісіктері бар пациенттерді оңалту енгізілді.
2023 жылы барлығы 208 мың пациент медициналық оңалтудан өтті.
