Қазақстанның бас мемлекеттік санитарлық дәрігерінің міндетін атқарушы Нұрқан Сәдуақасов «Қазақстан Республикасына маймыл шешегінің әкелінуі мен таралуының алдын алу бойынша санитарлық-профилактикалық іс-шараларды жүргізу туралы» қаулыға қол қойды.
Қаулыға сәйкес Денсаулық сақтау министрлігі мен бас санитарлық дәрігер мемлекеттік органдарға, соның ішінде әкімдіктерге, денсаулық сақтау басқармаларына, министрліктерге арнайы талаптар қойылған.
Мәселен, әкімдіктер ауру жұқтырған адамдар анықталған жағдайда науқастарды әкелу, диагностикалау, тасымалдау, есепке алу шараларын жүргізеді. Сондай-ақ ауруханалардың дайындығына, денсаулық сақтау ұйымдарында жеке қорғану құралдарының, дәрілік заттардың және дезинфекциялық құралдардың ең аз қорының болуына жауапты.
Ал Ұлттық сараптама орталығы, Қоғамдық денсаулық сақтау ұлттық орталығы және М.Айқымбаев атындағы Ерекше қауіпті инфекциялар ұлттық ғылыми орталығына маймыл ауруын диагностикалау үшін зертханалар мен қажетті ПТР-тест-жүйелермен қамтамасыз ету тапсырылған. Елдегі зертханалар сынамалар мен сынақтарды алуға дайын болуы керек. Егер ерекше қауіпті инфекцияға қатысты талдаулар оң нәтиже берген жағдайда белгіленген тәртіппен Денсаулық сақтау министрлігіне хабарлауы керек.
Астана, Алматы, Шымкент облыстарының санитарлық-эпидемиологиялық бақылау департаменттері ҰКП филиалдарымен, обаға қарсы күрес станцияларымен және облыстардың, Астана, Алматы, Шымкент қалаларының денсаулық сақтау басқармаларымен бірлесіп, маймыл шешегінің әкеліну жағдайына қатысты дайындық шаралары мен оқу-жаттығулар өткізуі қажет. Сонымен бірге бұл мекемелер маймыл шешегі анықталған ошақтарды дезинфекциялау шараларын жүргізеді.
Аталған қаулыға сәйкес, Ұлттық денсаулық сақтау орталығы мыналарды қамтамасыз етуі керек:
- дүние жүзіндегі елдердегі маймылдың эпидемиологиялық жағдайына күнделікті мониторинг жүргізу;
- денсаулық сақтау ұйымдары мен зертханалардың (меншік нысанына қарамастан) мамандарына халықаралық ұсынымдарға (ДДҰ, АҚШ ауруларды бақылау және алдын алу орталықтары) сәйкес маймыл шешегімен ауыратын науқастан (ауруға күдік бар) материалдар жинау және тасымалдау бойынша әдістемелік көмек көрсетуі керек;
- 24/7 жағдайында ДДҰ байланыс пункті арқылы ұйыммен тұрақты байланыста болуы қажет.
Қаулы 28 тамызда күшіне енеді.
Еске сала кетсек, Дүниежүзілік денсаулық сақтау ұйымы маймыл шешегінің өршуіне байланысты жаһандық төтенше жағдай жариялады.
Ал Таиландта еуропалық туристен маймыл шешегінің аса қауіпті штамы анықталған болатын. Маймыл шешегінің Clade 1 мутацияланған түрі Бангкокқа өткен аптада Африкадан келген кавказдықтан анықталған. Ел билігі 66 жастағы науқастың 43 адаммен жақын байланыс орнатқанын анықтап, оларды бақылауға алғанын хабарлады.
Осы жағдайға байланысты Премьер-министр Олжас Бектенов маймыл шешек індетіне қарсы шараларды күшейтуді тапсырды.
Материал: kursiv.media-дан алынды
Фото: gov.kz
