Алматы облысында өткен тәулікте 134 адамның індет жұқтырғаны анықталды. Ал 95 адам емделіп шыққан. Облыс «сары аймаққа» өтті. Бұл туралы «Жетісу» газеті хабарлады.
Соның ішінде, Талдықорған қаласында – 33, Қаратал ауданында – 13, Еңбекшіқазақ және Жамбыл аудандарында 12 жағдайдан, Панфилов ауданында – 11, Талғар ауданында – 10, Текелі қаласында – 9, Ескелді, Іле аудандары мен Қарасай ауданында 6 жағдайдан, Райымбек ауданында – 4, Кербұлақ, Сарқан аудандары мен Қапшағай қаласында 3 жағдайдан, Ақсу, Алакөл және Балқаш аудандарында 1 жағдайдан тіркелді.
Бүгінде өңірде 1073 адам стационарлық ем қабылдауда. Бір тәулікте ауруханаларға 109 адам түсті. Өңір ауруханаларындағы төсек-орын саны — 2105. Төсек-орын жүктемесі – 50,9 пайыз.
Соңғы 3 күнде 9112 адамның сынамалары ПЦР зертханаларда тексерілді.
Алматы облысы бойынша коронавирусқа қарсы вакцинаның 1-ші компонентін алғандар саны – 807 299. Соның ішінде өткен күні екпе алғандар саны – 2174. Екпенің 2-ші компонентін алғандар саны – 728 733. Соның ішінде өткен күні екпе алғандар саны – 2079.
Құрметті жетісулықтар! Вакцина коронавирус жұқтырған жағдайда, дерттің асқынып кетуінен қорғайды. Нәтижесінде адамдарға ауруханаға жатудың қажеті шамалы болады. Екпе ағзаның қорғаныс қабілетін нығайтады! Бұл өзіңіз бен жақындарыңызды қауіпті індеттен сақтау үшін өте маңызды!
«ЖЕТІСУ-АҚПАРАТ»
