Кеше Алматы облысында 233 адамнан қауіпті індет анықталды. Сондай-ақ, 409 адам емделіп, үйіне қайтарылды. Облыс әлі «сары аймақта» тұр. Бұл туралы «Жетісу» газеті мәлімдеді.
Соның ішінде, Талдықорған қаласы мен Талғар ауданында 33 жағдайдан, Алакөл ауданында – 32, Текелі қаласында – 22, Еңбекшіқазақ ауданында – 20, Панфилов ауданында – 14, Қарасай және Қаратал аудандарында 10 жағдайдан, Іле ауданында – 9, Ескелді, Жамбыл және Кербұлақ аудандарында 8 жағдайдан, Балқаш ауданында – 7, Көксу және Сарқан аудандарында 6 жағдайдан, Ұйғыр ауданында – 5, Қапшағай қаласында 2 жағдай тіркелді.
Облыста 1414 адам стационарлық ем қабылдауда. Бір тәулікте ауруханаға 148 адам түсті. Төсек-орын саны — 3450. Төсек-орын жүктемесі – 40,9 пайыз. Соңғы 3 күнде 11358 адамның сынамасы ПЦР зертханаларында тексерілді.
Алматы облысы бойынша коронавирусқа қарсы вакцинаның 1-ші компонентін 755 723 адам алды. Ал екпенің 2-ші компонентін алғандар 660 948 адамға жетті.
«ЖЕТІСУ-АҚПАРАТ»
