Көптеген батыс сарапшысы Ресей ғалымдарының коронавирусқа қарсы ойлап тапқан вакцинасын сынап тастады. Бұл жайында Tengrinews.kz «Голос Америки» сайтына сілтеме жасап хабарлады.
Сейсенбі, 11 тамызда Ресей дүниежүзінде алғаш болып COVID-19-ға қарсы вакцинаны тіркегендерін мәлімдеді. Бұл туралы ел президенті Владимир Путин хабарлаған. Ол Гамалеи атындағы институт дайындаған вакцина қауіпсіз екенін және оның қыздарының біріне салынғанын айтқан. Алайда екі ай сынақтан өткен вакцина денсаулық сақтау саласындағы дүние жүзіндегі сарапшылар арасында алаңдаушылық тудырған. Олар вакцинаның қауіпсіздігі мен тиімділігіне күмән келтірген.
Лондон университеті колледжінің генетика институтының сарапшысы Франсуа Баллу ресейлік вакцинаны асығыс тіркеу «албырт және қате шешім» екенін айтады. «Жеткіліксіз түрде тексерілген вакцинамен жаппай вакцинациялау этикаға сай емес. Ресейлік вакцинация науқанымен байланысты кез келген проблема денсаулыққа кері әсер ететіндіктен де, халық арасында вакцинацияға деген сенімге нұқсан келтіретіндіктен де қате болады», — дейді маман.
«Негізі Ресей жаппай халық дәрежесінде тәжірибе жүргізіп жатыр», — дейді Уорвик университетінің ұлыбританиялық бизнес мектебінің дәрілік препараттарды зерттеу жөніндегі маманы Айфер Али. Оның айтуынша, вакцинаны асығыс мақұлдау вакцинаның ықтимал теріс әсерлері әлі анықталмағанын және олар сирек, бірақ ауыр ауру болуы мүмкін екенін айтады.
«ЖЕТІСУ-АҚПАРАТ»
