5 маусым – Дүниежүзілік қоршаған ортаны қорғау күні және Қазақстан Республикасының экология саласына 30 жыл. Біздің елімізде “Қоршаған ортаны қорғау туралы” Заң 1997 жылы 5 тамызда қабылданған. Осы Заңның негізінде қазіргі күнге дейін түрлі іс-шаралар ұйымдастырылып келеді.
«Қазгидромет» РМК Алматы облысы бойынша филиалы қызмет саласында Талдықорған қаласы бойынша атмосфералық ауаның жай-күйіне бақылау 2 стационарлық бекетте жүргізіледі.
Атмосфералық ауаның ластануын зерделеу кезінде стационарлық бекеттерде мына қоспалар қалқыма бөлшектер (шаң), күкірт диоксиді, көміртегі оксиді, азот оксиді мен диоксиді, аммиак, күкіртті сутегі анықталды.
ЛББ № 1 бекетінде тәулігіне 3 рет қол күшімен (дискретті әдіс) сынама алынады және № 2 СКАТ автоматты бекетінде әр 20 минут сайын үзіліссіз режимде бақылау жүргізіледі. Сонымен қатар жылына 12 рет химиялық құрамын анықтауға атмосфералық жауын-шашынның, 1 рет қар жамылғысының, 2 рет топырақтың сынамалары алынып, сараптамаға жіберіледі және радиациялық фон деңгейіне бақылау жүргізіледі.
Атмосфералық ауаның жай-күйіне толық мониторинг жүргізу мақсатында болашақта Текелі қаласына тәулік бойы үзіліссіз бақылау жүргізетін автоматты СКАТ бекетін орналастыру жоспарлануда. Қазіргі уақытта заманауи технологиялардың тоқтамай дамуына байланысты, республикамыздың әр тұрғыны өзінің аймағына байланысты автоматты СКАТ станциясының үзіліссіз тәулік бойы жүргізілген атмосфералық ауаның жай-күйі жөнінде ақпаратты Air.kz программасын ұялы телефонға жүктеу арқылы көре алады.
Жоғарыда айтылған бақылаулар нәтижесі www.kazhydromet.kz айлық, тоқсандық, жылдық қоршаған орта жай-күйі туралы ақпараттық бюллетеньде сипатталады.
Сұраныс бойынша қоршаған ортаның экологиялық жай-күйі жөнінде ақпаратпен қамтамасыз етеді және бекітілген баға ұсынысына сәйкес жеке жұмыс түрлерін жүргізеді. «Қазгидромет» мемлекетіміздің аумағында ауаның жоғары ластану және экстремалды жоғары ластануының пайда болуы жөнінде дауылды ескертулермен кез келген ұйымдарды ресми ақпараттандырумен қамтамасыз ету құқығы бар жалғыз заңды өкілетті мекеме.
Жанар Махметова,
«Казгидромет» РМК Алматы облысы бойынша филиалының жетекші инженері
