Қазақстан азаматтары арасында инвестицияға қызығушылық айтарлықтай артып келеді. Инвестициялар тәуекелді қажет ететін құрал екенін есте ұстаған жөн. Сонымен қатар, табысыңыз неғұрлым жоғары болса, қаражатты жоғалту ықтималдығы соғұрлым басым болады. Алайда егер сіз тәуекелге баруға дайын болсаңыз және қол жетімді қаражатыңыз болса, сіз аталмыш салада өзіңізді байқап көре аласыз. Ол үшін қор биржасында сатылатын бағалы қағаздарға инвестициялауды меңгеру керек.
Инвестициялаудың жалпы принциптері Заңға сәйкес акциялар мен облигацияларды тек лицензиясы бар компания (брокер) арқылы сатып алуға және сатуға болады. Тиісінше, ол инвестор үшін бағалы қағаздармен мәмілелерді жүзеге асыруға құқылы. Келісім жасамас бұрын компанияның қаржылық реттеуші лицензиясы бар-жоғын тексеріңіз. Осылайша сіз брокер кенеттен бизнестен шығып кетсе, инвестицияларыңызды қорғай аласыз — сіздің инвестицияларыңыз туралы ақпарат орталық депозитарийде қалады,- дейді мамандар.
Бағалы қағаздарды сатудан түсетін кіріс бағалы қағаздың бағасы немесе индексі қаншалықты өскеніне байланысты болады. Алайда, мұндай табыс жай ғана сәттілік емес, жақсы ойластырылған әрекеттердің нәтижесі екенін есте ұстаған жөн. Ешбір жағдайда соңғы ақшаңызды салуға асықпаңыз. Есіңізде болсын, қор биржасында сақтандыру жоқ және сіз бір сәтте қолда барыңыздан айырылуыңыз мүмкін, әсіресе бағалы қағаздар құнының құлдырауы банктік сәтсіздіктерге қарағанда жиі орын алады.
Егер сіз экономиканың әртүрлі салаларындағы, мысалы, химия өнеркәсібі, машина жасау, телекоммуникация компанияларының бағалы қағаздарын сатып алсаңыз, бұл инвестицияланған ақшаңызды жоғалту қаупін азайтуға көмектеседі. Нағыз инвестор қор биржасындағы жағдайдың құбылмалы екенін әрдайым ескереді, сондықтан кепілдік берілген және ақылға қонымсыз өте жоғары кірістің бірен бола қоймайтынын басты назарда ұстағаныңыз жөн.
Аяна Ермуханбетова,
І.Жансүгіров атындағы Жетісу университетінің 4 курс студенті
Фото: lkapital.ru
