2026 жылғы қаңтар-ақпан айларында өнеркәсіп өндірісінің көлемі қолданыстағы бағамен 66216,2 млн. теңгені құрады, бұл 2025 жылдың сәйкес кезеңімен салыстырғанда 23,1%-ға көп.
Тау-кен өндіру өнеркәсібінде өндіріс көлемі 41,2%-ға ұлғайып, өңдеу өнеркәсібінде 19,8% өсті. Электр энергиясымен, газбен, бумен, ыстық сумен және кондиционерленген ауамен жабдықтауда 19,1%, сумен жабдықтауда, қалдықтарды жинауда, өңдеуде және жоюда, ластануды жою жөніндегі қызметте 6%-ға өсті.
Қаңтар-ақпанда ауыл шаруашылығы өнімдерінің жалпы шығарылымы 18 842,2 млн. теңгені құрады. Өткен жылы бұл көрсеткіш 101,4%-ға жеткен.
Биыл көліктің барлық түрінің жүк айналымы 2 411,9 млн. ткм-ді құрап (коммерциялық тасымалдаумен айналысатын жеке кәсіпкерлердің орындаған жүк айналымын бағалау есебімен), 2025 жылдың қаңтар-ақпанымен салыстырғанда 128,6%-ды көрсетті. Жолаушы айналымы 96,9 млн. жкм-ді жетті. Бұл көрсеткіш өткен жылы 120,8%-ды құрады.
Құрылыс жұмыстарының көлемі 13912,7 млн. теңге. Былтыр 124,2%-ға тұрақтаған.
Пайдалануға берілген тұрғын үйлердің жалпы алаңы 12,7%-ға өсіп, 32,1 мың шаршы метрді құрады. Биыл негізгі капиталға салынған инвестициялар көлемі 21 864,5 млн. теңгеге жетті. Өткен жылғы көрсеткіш 58,1%.
Тіркелген заңды тұлғалар саны 2026 жылғы 1 наурыздағы жағдай бойынша 8 580 бірлікті құрап, өткен жылғы сәйкес кезеңдегімен салыстырғанда 2,0% ұлғайды. Оның ішінде 100 адамнан кем қызметкерлері барлар 8 343 бірлік. Жұмыс істеп тұрған заңды тұлғалар саны 7 232 бірлік болса, оның ішінде шағын кәсіпорындар 6 997 бірлікке жетті. Облыста тіркелген шағын және орта кәсіпкерлік кәсіпорындар саны 6 582 бірлікке жетті. Былтыр бұл көрсеткіш 3,4%-ға ұлғайды.
