Талдықорған қаласында алғаш рет дрон-рейсинг және авиамоделдеу бойынша AITU KazRoboDrone 3.0 халықаралық байқауының аймақтық кезеңі өтті. Аталған жарыс жасөспірімдер мен жастар арасында ұшқышсыз авиация саласын дамытуға, техникалық шығармашылықты қолдауға бағытталған.
Байқауды Astana IT University ұйымдастырды. Халықаралық деңгейдегіконкурс офлайн форматта өтіп, еліміздің барлық өңірінен және шетелден келгенмектеп оқушылары, студенттер, педагогтермен сала мамандарын біріктіреді. Жоба«Research&Development» ЖШС орталығы«Қазақстан инжиниринг» компаниясыныңқолдауымен, Астана қаласы әкімдігінің«Астана дарыны» дарынды балалар менталантты жастарды анықтау және қолдауорталығының серіктестігімен жүзеге асуда.
Байқаудың басты мақсаты – Қазақстанда ұшқышсыз авиация саласын дамыту және танымал ету, жас мамандардың кәсіби әлеуетін арттыруға мүмкіндік жасап, финалдық кезеңнің жүлде қоры 2 000 000 теңге деп бекітілді.
Жетісу өңірінде өткен аймақтық жарыс дрон-рейсинг симуляторы бағыты бойынша өткізілді. Қатысушылар екі санатта сынға түсті. Олар Junior (10-15 жас, 2011-2016 ж.т.) – мектеп оқушылары болса, Senior (16-21 жас, 2005-2010 ж.т.) – мектеп оқушылары мен студенттері болып бақ сынады.
Жарыс барысында қатысушылар жоғары белсенділік танытып, дронды басқару жылдамдығы мен дәлдігін көрсетіп, өзара тартысты бәсекеге түсті. Көпшілік үшін бұл байқау дрон технологиясымен кәсіби деңгейде алғаш танысу алаңына айналды. Аталған іс-шараға облыстан 126 қатысушы тіркелді. Оза шауып, бәйге алған 7 қатысушы Астана қаласында өтетін халықаралық кезеңге жолдама ұтты. Ал финалға өткен барлық қатысушыға финалист сертификаттары табысталды.
Айта кетейік, мұндай жарыс өңір жастарының техникалық білімін жетілдіруге, инновациялық ойлау қабілетін дамытуға және болашақ инженерлер мен IT мамандарын даярлауға үлкен мүмкіндік береді.
Айдана АМАНЖОЛҚЫЗЫ
ЖУ студенті
Фотоны түсірген автор
