Париж Олимпиадасының жеңімпазы(2024 жыл; 60 келі), әлем чемпионы (2015 жыл; 60 келі) Елдос Сметов 8-10 мамырда Астанада 4-ші рет өтетін «Qazaqstan Barysy Grand Slam» турнирінде бір белдесу өткізеді. Ол Олимпиада чемпионына берілетін алтын жолақты кимономен өнер көрсетеді. Олимпиада чемпионының қарсыласы әлі жарияланбады.
2023 жылдан бері «Qazaqstan Barysy Grand Slam» турнирі IJF күнтізбесінде берік орнығып, дзюдо әлемінің маңызды бөлігіне айналды.
Турнир Халықаралық дзюдо федерациясымен жасалған төрт жылдық келісім аясында өтті. Биыл осы циклдің қорытынды кезеңі. Осы уақыт ішінде Qazaqstan Barysy Grand Slam үздік дзюдошылар қатысатын ірі әлемдік жарысына айналды.
«Жетісу-Ақпарат».
