Кез келген ана баласының қуанышы мен жетістігін көргісі келеді. Бірақ балаң ауырса, оның жүзінен күлкі көрудің өзі үлкен бақытқа айналады. Менің балам Нұртас аурудың азабын тартуда. Оған арқа жұлын бұлшықетінің атрофиясы диагнозы қойылды. Ол екі жастан асса да жүре алмайды, тұра алмайды, еңбектей алмайды.
Нұртас бір жасқа дейін жақсы дамыған. Бірақ содан кейін ол күрт әлсірей бастады. Ұзақ уақыт бойы дәрігерлер нақты диагноз қоя алмады. Біз емтихандар мен тестілерде бір жылдан астам уақыт жоғалттық. Пневмониямен ауырғаннан кейін ауру күрт дамыды. Тыныс алу бұлшықеттері енді толық күшпен жұмыс істемейді.
Дәрігерлердің айтуынша, ауруды толығымен емдеуге болады. Оған Золгенсманың 1 екпесі қажет. Оның құны 2, 3 миллион долларды құрайды. Ол екпені бала салмағы 13,5 келіге жеткенге дейін салдырып үлгеру керек. Қазір Нұртастың салмағы 11,0 кг. Балам қатаң диета ұстайды, бірақ жас организм өспей тұрмайды. Ол салмақ қосқан сайын екпе салдыратын уақыт та азайып барады.
Нұртас басқа балалар сияқты жүруді, жүгіруді және ойнауды қалайды. Ол аяғын жерге тигізген сайын, шынымен қуанады. Балам аяғынан тұрып кетсе екен деп көмек сұрап, құрақ ұшып, жалғыз өзім шырылдап, есіктен есікке жүгіремін. Бірақ, еш нәтиже жоқ. Сондықтан да көпшіліктен көмек сұраймын.
Бұл тығырықтан шығудың жалғыз жолы – қажетті қаражатты тауып, балама екпе салдыру. «Көп түкірсе – көл» деген. Әркім аздаған ақшамен болсын қолдау білдірсе, оның өзінен біраз қаржы жиналар еді. Жаны жайсаң, жомарт жандар жағдайымызды түсініп, көмек қолын созар деген үміттемін. Сіздің кез-келген көмегіңіз менің ұлымның жүріп кетуіне, өмір сүруіне мүмкіндік береді. Өйткені, емделмесе, мұндай аурумен ауыратын балалар 4-5 жасқа дейін ғана өмір сүреді екен. Сондықтан да мен барлық жетісулықтардан ұлымды құтқаруға көмектесулеріңізді сұраймын. Көмектескендердің барлығының денсаулығы үшін дұға етемін.
Каспий голд: 8771 405 64 78 Гаухар Кыдырбекова, Нұртастың анасы. Осы номерге Халықбанк және Сбербанк арқылы аударуға болады.
Hakykbank: 4390 8722 0534 1425
IBAN: KZ 5060 1000 20032 45851, Гаухар Рахымовна Кыдырбекова. Толық ақпарат Instagram парақшасында @nurtas.sma.
Гаухар ҚЫДЫРБЕКОВА
Алматы облысы
