«Қазгидромет» РМК мамандары 2025 жылғы 22 қыркүйекке арналған ауа райы болжамын ұсынды.
Синоптиктердің айтуынша, Қазақстанның шығыс өңірлерінде ғана жауын-шашынсыз ауа райы болады. Қалған облыстарда найзағай ойнап, жаңбыр жауады. Солтүстік аймақтың кей жерлерінде бұршақ жаууы ықтимал.
Республика көлемінде желдің күшеюі байқалады:
-
оңтүстікте шаңды дауыл тұрады,
-
солтүстікте қатты жел соғады,
-
түнде және таңертең кей аймақтарда тұман түседі.
Үсік қаупі
Абай облысының батысында және Шығыс Қазақстан облысының шығысында сынап бағаны түнде +1°С дейін төмендеп, үсік жүреді.
Өрт қаупі
Жоғары өрт қаупі келесі өңірлерде болады:
-
Түркістан, Қызылорда облыстары,
-
Атырау облысының солтүстігі, шығысы мен оңтүстігі,
-
Жамбыл облысының батысы, солтүстігі мен орталығы,
-
Маңғыстау облысының батысы, оңтүстігі, солтүстік-батысы және оңтүстік-шығысы,
-
Батыс Қазақстан облысының шығысы, батысы, солтүстігі және солтүстік-шығысы,
-
Ақтөбе облысының орталығы мен солтүстігі,
-
Алматы облысының орталығы,
-
Қарағанды облысының оңтүстігі,
-
Ұлытау облысы,
-
Жетісу облысының батысы мен шығысы.
Сонымен қатар, Батыс Қазақстан облысының солтүстігінде, Атырау облысының шығысында, Маңғыстау және Қостанай облыстарының оңтүстігінде де өрт қаупі жоғары деңгейде.
