Синоптиктер 29 мамырда Қазақстанның бірқатар өңірлерінде ауа райының қолайсыздығына байланысты дауылды ескерту жариялады, деп хабарлайды 7-su.kz ақпарттық порталы.
Түркістан облысында найзағай жарқылдап, бұршақ жаууы мүмкін. Солтүстік, оңтүстік және батыс бөліктерде, сондай-ақ таулы аудандарда желдің жылдамдығы 15–20 м/с дейін жетеді. Шаңды дауылдар мен өрт қаупі жоғары, ал кейбір аймақтарда төтенше өрт қаупі сақталады. Шымкентте де жел күшейіп, найзағай ойнауы мүмкін.
Жамбыл облысында таулы аудандарда найзағай, ал солтүстік пен оңтүстікте шаңды дауыл күтіледі. Жел екпіні 15–20 м/с-қа дейін күшейеді. Бірқатар аудандарда жоғары және төтенше өрт қаупі бар. Таразда жел күшейіп, ауа райы тұрақсыз болады.
Алматы облысының солтүстігінде желдің жылдамдығы 15–20 м/с дейін жетеді.
Ақмола облысында найзағай күтіліп, жел оңтүстік-батыстан солтүстік-шығысқа ойысып соғады. Екпіні – 15–20 м/с.
Маңғыстау облысы мен Ақтау қаласында жоғары өрт қаупі сақталады.
Ақтөбе облысында желдің күші 15–18 м/с дейін жетіп, бірқатар аймақтарда жоғары және төтенше өрт қаупі сақталады. Ақтөбе қаласында да өрт қаупі жоғары.
Атырау облысында қатты ыстық болады – +35°С. Батыс пен оңтүстікте шаңды дауыл тұрып, жел күшейеді. Өрт қаупі – жоғары деңгейде.
Қызылорда облысында шаңды дауыл мен желдің күшеюі күтіледі. Солтүстік пен орталықта өрт қаупі жоғары, төтенше жағдай қаупі де бар. Қызылордада да жел күшейіп, шаңды дауыл болуы мүмкін.
Солтүстік Қазақстан облысында найзағай жарқылдап, жел жылдамдығы 15–20 м/с дейін жетеді. Петропавлда найзағай мен қатты жел болжануда.
Шығыс Қазақстан және Абай облыстарында түнде жаңбыр мен қар жаууы мүмкін. Кей жерлерде үсік жүреді (2°С дейін). Таңертең тұман түсіп, жел күшейеді. Абай облысының оңтүстігінде төтенше өрт қаупі бар.
Жетісу облысында жел күшейіп, өрт қаупі жоғары және төтенше деңгейде сақталады.
Батыс Қазақстан облысында да жел күшейіп, облыстың бірқатар бөліктерінде жоғары өрт қаупі бар.
Қарағанды және Ұлытау облыстарында таңертең және күндіз жел екпіні 15–20 м/с дейін жетеді. Ұлытаудың оңтүстігінде төтенше өрт қаупі бар. Жезқазғанда жел күшейеді.
Павлодар облысында жоғары және төтенше өрт қаупі сақталады. Павлодар қаласында да жағдай осындай.
Қостанай облысының оңтүстігінде төтенше өрт қаупі бар.
