Оқу-ағарту министрлігінің Білім саласында сапаны қамтамасыз ету комитеті 2025 жылы мемлекеттік аттестациядан өтетін 3025 білім беру ұйымын анықтады.
Биылғы жылдың бірінші жартыжылдығында білім беру саласындағы сапаны қамтамасыз ету жөніндегі аумақтық департаменттер 1170 ұйымда мемлекеттік аттестация өткізді.
Іс-шаралар білім беру процесіндегі проблемаларды анықтауға, мемлекеттік жалпыға міндетті білім беру стандарты мен біліктілік талаптарына сәйкестікті бағалауға бағытталған.
Комитеттің төрағасы Серік Әшіровтің айтуынша, «Өткен жылы Комитет пен оның аумақтық департаменттері 2487 білім беру ұйымында түрлі тексерулер жүргізді. Оның ішінде мемлекеттік аттестаттау, профилактикалық бақылау, шағымдар бойынша жоспардан тыс тексерулер болды. Тексеру нәтижесінде мұғалімдердің біліктілігін арттыру курстарының уақытында аяқталмауы, мектептердің материалдық-техникалық базасының талапқа сай болмауы фактілері анықталды».
Айта кету керек, бақылау іс-шаралары білім беру саласындағы қызмет сапасын арттыруға, сонымен бірге педагогтердің құқықтарын қорғауды қамтамасыз етеді.
