Қазақстанда картоп бағасы 2026 жылдың көктемінде 185 теңгеден аспайды. Бұл туралы Сауда және интеграция министрлігі мен Картоп және көкөніс өсірушілер одағы арасындағы меморандум аясында мәлім етілді, – деп хабарлайды 7-su.kz ақпараттық порталы.
Ауыл шаруашылығы министрлігінің деректеріне сүйенсек, биыл картоп өндірісі 2,7 млн тоннаға жетеді деп болжануда. Елдің жылдық қажеттілігі – шамамен 2 млн тонна. Қыркүйектің басына дейін 840,2 мың тонна өнімжиналған. Қазіргі таңда егістіктегі баға 90-120 теңге/кг аралығында, ал бөлшек саудада орташа баға бір апта ішінде 3,9%-ға төмендеп, 194 теңгені құрады.
Ауыл шаруашылығы вице-министрі Ербол Тасжүрековтің айтуынша, картоп экспортына қойылған шектеу 28 шілдеде алынып тасталғанымен, ішкі нарықтағы тапшылық тәуекелдерін болдырмау үшін бақылау жалғасады.
Меморандумға сәйкес:
-
қараша айында картоптың сату бағасы 145 теңгеден аспайды;
-
көктемде сақтау шығындары ескеріліп, ең жоғарғы баға 185 теңге деңгейінде белгіленеді.
Сонымен қатар, Үкімет бірқатар басқа әлеуметтік маңызы бар өнімдер бойынша да келісімдер жасасты. Атап айтқанда:
-
«Арал тұз» АҚ тұз бағасын 18%-ға төмендетті (100 теңгеден 82 теңгеге дейін);
-
Жұмыртқа өндірушілер қауымдастығы жұмыртқаның шекті бағасын 55 теңге/дана деңгейінде ұстап тұруға келісті.
