25 қыркүйекте еліміздің 15 өңірінде қатты жел, тұман, найзағай және шаңды дауыл күтіледі.
Бұл туралы 7-su.kz ақпараттық порталы хабарлайды.
Жетісу облысы. Күндіз облыстың шығысы мен солтүстігінде солтүстік-шығыстан соққан желдің екпіні 15-20, кей жерлерде 23-28 м/с-қа дейін жетеді.
Алматы облысы. Түнде және таңертең оңтүстік пен таулы аймақтарда тұман түседі. Жел 18-23 м/с-қа дейін күшейеді. Солтүстікте өрттің төтенше қаупі бар. Қонаев қаласында да желдің жылдамдығы 18-23 м/с болады.
Батыс Қазақстан облысы. Күндіз батыс пен солтүстікте найзағай күтіледі. Желдің екпіні 15-20 м/с-қа жетеді. Өңірдің батысы, оңтүстігі және шығысында өрттің төтенше қаупі сақталады. Орал қаласында найзағай ойнайды.
Атырау облысы. Түнде және таңертең батыста тұман түседі. Солтүстік, шығыс және оңтүстігінде өрттің төтенше қаупі бар. Атырау қаласында да жағдай қауіпті деңгейде.
Маңғыстау облысы. Оңтүстік-шығысында өрттің жоғары қаупі сақталады.
Жамбыл облысы. Түнде таулы аймақтарда тұман түседі. Солтүстік-шығыстан соққан жел кей жерлерде 23-28 м/с-қа дейін күшейеді. Батыс, солтүстік және орталық өңірлерде өрттің төтенше қаупі бар.
Қостанай облысы. Таңертең және күндіз солтүстікте найзағай күтіледі. Желдің екпіні 15-20 м/с-қа жетеді. Оңтүстігінде өрттің төтенше қаупі сақталады.
Шығыс Қазақстан облысы. Түнде және таңертең солтүстікте тұман, кей жерлерде 1 градусқа дейін үсік жүреді.
Павлодар облысы. Түнде және таңертең батыс пен солтүстікте тұман күтіледі. Күндіз жел 15-20 м/с-қа дейін күшейеді. Шығыста өрттің жоғары қаупі бар.
Ақтөбе облысы. Оңтүстікте өрттің жоғары қаупі сақталады. Батысы мен орталығында төтенше өрт қаупі бар.
Ұлытау облысы. Оңтүстігінде төтенше өрт қаупі сақталады.
Қарағанды облысы. Күндіз оңтүстігінде желдің екпіні 15-18 м/с-қа дейін жетеді. Өрттің төтенше қаупі бар.
Қызылорда облысы. Оңтүстік пен орталықта шаңды дауыл соғады. Жел 15-20 м/с-қа жетеді. Күндіз Қызылорда қаласында да шаңды дауыл күтіледі.
Солтүстік Қазақстан облысы. Кей жерлерде желдің екпіні 25 м/с-қа дейін күшейеді. Петропавлда күндіз желдің жылдамдығы 15-20 м/с болады.
Ақмола облысы. Күндіз батыс, солтүстік және шығыс өңірлерде желдің екпіні 15-20 м/с-қа жетеді. Көкшетауда да желдің жылдамдығы 15-20 м/с болады.
«Қазгидромет» мамандары тұрғындарға ауа райына байланысты барлық қауіпсіздік шараларын қатаң сақтауды, мүмкіндігінше алыс сапардан бас тартуды және өрт қауіпсіздігіне мұқият болуды ескертеді.
