Қазгидромет дерегінше, 8 қыркүйекте Қазақстанның бірнеше өңірінде жел күшейіп, найзағай ойнап, өрт қаупі жоғары деңгейде сақталады.
Түркістан облысы – солтүстікте шаңды дауыл, солтүстік және батыс аудандарында, таулы өңірлерде батыстан, солтүстік-батыстан 15–20 м/с жылдамдықпен жел соғады. Өрт қаупі жоғары. Шымкент пен Түркістанда да осындай жел байқалады.
Ұлытау облысы – шығыс және оңтүстік бөліктерінде найзағай, дауыл. Солтүстік-батыстан, батыстан соққан жел екпіні 15–20 м/с. Солтүстігі мен оңтүстігінде жоғары өрт қаупі, шығыс пен орталықта төтенше деңгей. Жезқазғанда найзағай тіркеледі.
Қарағанды облысы – батыс, солтүстік, шығыс аудандарда найзағай мен дауыл, күндіз 15–20 м/с жылдамдықпен жел күшейеді. Батыс, солтүстігінде жоғары, оңтүстігінде төтенше өрт қаупі. Қарағандыда түстен кейін найзағай.
Астана қаласы – найзағай, бұршақ, дауыл, солтүстік-шығыстан 15–20 м/с жылдамдықпен жел соғады. Өрт қаупі жоғары.
Ақмола облысы – солтүстік пен шығыста нөсер жаңбыр, бұршақ, дауыл, найзағай. Түнде батысында тұман. Солтүстік-шығыстан 15–20 м/с, күндіз кей жерде 23 м/с-ке дейін күшейеді. Батыс, оңтүстік, орталықта өрт қаупі жоғары. Көкшетауда түнде және таңертең найзағай.
Абай облысы – солтүстігінде найзағай, батыс, солтүстік, орталықта бұршақ, дауыл. Күндіз жел 15–20 м/с, кей жерде 23–28 м/с. Семейде күндіз найзағай, жел 15–20 м/с.
Шығыс Қазақстан облысы – солтүстік пен шығыста бұршақ, дауыл, найзағай. Түнде, таңертең солтүстік пен шығыста тұман. Күндіз жел 15–20 м/с, кей аудандарда 25 м/с. Оңтүстігінде өрт қаупі жоғары. Өскеменде найзағай, жел 15–20 м/с.
Қызылорда облысы – солтүстікте найзағай, орталық пен шығыста шаңды дауыл, батыстан, солтүстік-батыстан 15–20 м/с жел. Өрт қаупі төтенше. Қызылордада шаңды дауыл.
Атырау облысы – басым бөлігінде төтенше, батысында жоғары өрт қаупі.
Ақтөбе облысы – оңтүстік, шығыста найзағай. Солтүстік және шығыста жел 15–20 м/с. Батыс, солтүстік-шығыста өрт қаупі жоғары, оңтүстік, шығыс, орталықта төтенше.
Жетісу облысы – солтүстік, шығыс, орталық және таулы аудандарда найзағай, батыстан жел 15–20 м/с. Талдықорғанда күндіз найзағай.
Маңғыстау облысы – түнде, таңертең оңтүстікте тұман. Өрт қаупі төтенше. Ақтауда да жоғары деңгей сақталады.
Павлодар облысы – түнде батысында нөсер, батыс, оңтүстік, шығыста найзағай, күндіз оңтүстік пен шығыста бұршақ. Солтүстік-шығыстан жел 15–20 м/с. Павлодарда найзағай.
Қостанай облысы – түнде оңтүстік пен шығыста найзағай, батыс, солтүстікте тұман. Оңтүстік пен шығыста жел 15–20 м/с. Батыс, оңтүстік-шығыс, солтүстік-шығыста өрт қаупі жоғары, оңтүстік-батыста төтенше.
Алматы облысы – күндіз таулы аудандарда найзағай, жел 15–20 м/с.
Жамбыл облысы – таулы аудандарда найзағай, күндіз оңтүстік-батыс, солтүстік-шығыс және таулы өңірлерде жел 15–20 м/с. Өрт қаупі төтенше. Таразда жел 15–20 м/с.
Солтүстік Қазақстан облысы – оңтүстік пен шығыста найзағай, түнде және таңертең батыс, солтүстікте тұман. Жел 15–20 м/с.
