Белгілі бір демалыс үйдің аспазы «К» есімді азамат жұмыста жүріп iPhone X маркалы ұялы телефонын жоғалтып алады. Жәбірленуші шығынды елеусіз деп санап, полицияға жүгінбеген. Жаңа телефон сатып алған ол «Kaspi Bank» пен «Halyk Bank» қосымшаларын қайта қосқысы келсе, ескі нөмірінің бұрынғы құрылғыға тіркеліп қалғанын ұғады. Сол арқылы 2025 жылғы 26 тамызда «Kaspi Bank» қосымшасынан өз атына 28 мың теңгеге несие рәсімделіп, iPhone 16 Pro Max телефонын бөліп төлеуге алынғанын көреді. Қарызға батқан жәбірленуші дереу полиция департаментіне хабарласады.
Жедел іс-шаралар барысында полицейлер күдіктінің жеке басын анықтайды. Сөйтсе әлгі алаяқ жәбірленушімен бірге жұмыс істеген әріптес-аспаз болып шығады. Күдікті телефонды ұрлап, деректерді пайдаланып, қымбат смартфонды бөліп төлеуге рәсімдегенін мойындады. Ұрланған телефон тәркіленіп, иесіне қайтарылды. Аталған дерек бойынша қылмыстық іс қозғалды. Тергеу жалғасуда.
«Жетісу – Ақпарат»
