ІІМ ҚР азаматының төлқұжатын, жеке куәлігін, шетелдіктің Қазақстанда тұруға ықтиярхатын, азаматтығы жоқ адамның куәлігін және жол жүру құжатын ресімдеудің, ауыстырудың және жоюдың жаңа қағидаларын әзірледі.
Бұл туралы 7-su.kz желілік басылымы Stan.kz ақпарат агенттігі дерегіне сүйеніп хабарлайды.
Жеке басты куәландыратын құжаттар – мемлекеттің меншігі және ол келесі деректерді қамтиды:
- Тегі, аты, әкесінің аты (бар болса);
- Туған күні мен жері;
- Жынысы;
- Ұлты;
- Азаматтығы;
- Фотосурет;
- Құжатты берген органның атауы;
- Құжаттың берілген күні, нөмірі, қолданылу мерзімі;
- Құжат иесінің қолы;
- Жеке сәйкестендіру нөмірі;
- «Дактилоскопиялық және геномдық тіркеу туралы» заңда белгіленгендей 16 жасқа толған құжат иесінің саусақ іздері.
Кей жағдайда 12-16 жастағылардың құжатына саусақ іздері талап етіледі.
Құжат 13 сәуірге дейін Ашық НҚА сайтында орналастырылған.
