«Jetisy’ media» алаңында Алматы облысы бойынша мемлекеттік кірістер департаменті ұйымдастырған көлеңкелі экономикаға қарсы күрес, алкоголь өнімдері заңсыз айналымының жолын кесу, заңсыз кәсіпкерлік қызметін анықтау бойынша баспасөз конференциясы өтті.
Спикер Алматы облысы бойынша мемлекеттік кірістер департаменті басшысының орынбасары Ләззат Айтахунова Талдықорған қаласының орталығында заңсыз алкоголь өнімдерін анықтау және көлеңкелі экономика бойынша жұмыс нәтижелері туралы айтты.
Көлеңкелі экономикамен күрес бойынша департамент заңсыз қызметтің алдын алуға, анықтауға және жолын кесуге бағытталған бірлескен рейдтік іс-шараларды өткізу үшін құқық қорғау органдарымен және басқа да уәкілетті органдармен бірлескен іс-қимыл жоспарын жыл сайын бекітеді.
— Мәселен, «сұр такси жүргізушілері» (тасымал) мәселесі бойынша Алматы облысының аумағында бүгінгі күні жеке тасымал (жүк тасымалы) қызметін жүзеге асыратын 5 540 жеке кәсіпкер тіркелгенін, оның ішінде, 2020 жылдың басынан бері облыс бойынша барлығы 468 жеке кәсіпкер тіркелгенін, оның ішінде, 226 такси, 260 жүк тасымалы тіркелгенін хабарлағым келеді. Осыған байланысты, ҚР-дағы пандемияға және карантиндерге байланысты коронавирустық аурудың таралуы мен таралуының алдын алу үшін тексерулер уақытша тоқтатылып, тек тамыз айынан бастап қайта басталғанын хабарлаймын. Жоғарыда көрсетілгендей, салық органына тіркеусіз қызметті жүзеге асыру мәселесі бойынша жұмыс құқық қорғау органдарымен және басқа да уәкілетті органдармен бекітілген бірлескен іс-шаралар жоспары негізінде тұрақты негізде жүргізіледі. Рейдтік іс-шараларға шығу алдында салық органдары алдын ала салық төлеушіге және оның қызметін жүзеге асыру орнына визуалды бақылау және салықтық ақпараттық жүйелер арқылы талдау жасайды, — деді аталған департамент басшысының орынбасары.
Еске сала кетейік, Қазақстан Республикасы Қаржы министрлігінің Мемлекеттік кірістер комитеті 2020 жылғы 12 мамырдан бастап 2020 жылғы 31 желтоқсанға дейінгі кезеңде бақылау-касса машиналарының фискалдық чектерін бермеу фактілерін анықтау бойынша «Қоғамдық бақылау — чекті талап ет» пилоттық жобасын жүргізіп жатыр. Олар бойынша Плэй-маркетте жүктеуге болатын «Wipon» мобильді қосымшасы арқылы хабарлауға болады.
Фискалдық чектің берілмегені расталған жағдайда әкімшілік хаттама толтырылады. Бүгінгі күні осы «Wipon» қосымшасы бойынша салық органдарына 1 145 өтініш келіп түсті, оның ішінде, 683 заңбұзушылық расталды және заң бұзушылар әкімшілік жауапкершілікке тартылды.
Алматы облысы бойынша мемлекеттік кірістер департаменті алкоголь және құрамында спирті бар өнімдердің заңсыз өндірісі мен айналымын анықтау және жолын кесу мақсатында тұрақты негізде тексеру іс-шараларын жүргізеді, сонымен қатар, 2020 жылға арналған Алматы облысының аумағында акцизделетін өнімдерді (мұнай өнімдерін, спиртті, алкоголь өнімдерін, темекі өнімдерін) заңсыз тасымалдау мен олардың айналымының алдын алуға, анықтауға және жолын кесуге бағытталған бірлескен рейдтік іс-шараларды өткізеді және жоспары бекітіледі.
Жыл басынан қараша айына дейінгі жағдай бойынша облыста 81 тексеру жүргізілді, оның нәтижелері бойынша облыстың барлық аумағында алкоголь өнімінің көлеңкелі айналымы анықталды. Онда заңсыз айналымнан 42 092 литр өнім, оның ішінде, 28 172 литр құрамында спирті бар сұйықтық және 13 920 алкоголь өнімі алынып, 1 млн.235 мың теңгеден астам сомаға айыппұл салынды.
«ЖЕТІСУ-АҚПАРАТ»
