ІІМ басшысының бұрынғы орынбасары, сенатор Марат Қожаев Қазақстанда көлік жүргізу куәлігі тым жеңіл берілетінін жеткізді. Айтуынша, ережелерін қайта қарау қажет.
Бұл туралы 7-su.kz желілік басылымы Stan.kz сайтына сілтеме жасап хабарлайды.
Қожаев Сенат аясында елдегі жүйені шетелмен салыстырды.
«Құқық қорғау жүйесіне қатысы бар адам ретінде бұрын жол-көлік оқиғаларын көп зерттедім. Мансабымның басында менде мұндай істер көп болды. Көлік жүргізу құқығы біздегідей оңай болмауы керек. Бізде жүргізуші куәлігін алу өте оңай», – деді ол.
Сенатордың айтуынша, бірқатар елдерде жүргізуші куәлігін алу процесі әлдеқайда күрделі. Бұл жүргізушілердің дайындық деңгейін арттырып, апатты азайтады.
«Бүкіл әлемде жүргізуші куәлігін алу қиын процесс. Нәтижесінде адамдар арнайы дағдыларды игереді, жоғары қауіп көзін басқаруға байланысты барлық жауапкершілікті түсінеді. Үшіншіден, олар жүргізуші куәліктерін бағалайды және бұл құжатқа мәнсіз қарамайды», – деп атап өтті сенатор.
Фото: pixabay.com
