Синоптиктер 21 тамызға арналған ауа райы болжамын ұсынды, – деп хабарлайды 7-su.kz ақпараттық порталы.
Алматы облысында +35°С, Маңғыстау облысында +38°С-қа дейін аптап ыстық болады. Еліміздің оңтүстігінде антициклонның әсерінен жауын-шашынсыз ауа райы сақталады.
Солтүстік-батыс циклон және оған байланысты атмосфералық майдандар Қазақстан аумағының басым бөлігінде ықпалын жалғастырып, найзағай ойнайды, жаңбыр жауады. Солтүстікте нөсер жауын күшейеді, батыс пен солтүстікте бұршақ жаууы және дауыл соғуы ықтимал.
Республика бойынша ортақ табиғи құбылыс – желдің күшеюі. Сонымен қатар, батыс пен солтүстікте түнде және таңертең тұман түсуі мүмкін, – деп хабарлады «Қазгидромет» РМК баспасөз қызметі.
