Мемлекеттік аудит жүйесін реформалау мәселелері Әлихан Смайылов қатысқан ҚР жоғары аудиторлық палатасының отырысында қаралды.
Бұл туралы Жоғары аудиторлық палатаның баспасөз қызметі хабарлады.
«Жоғары аудиторлық палатаның аумақтық департаменттерін құра отырып, 2026 жылғы 1 қаңтардан бастап өңірлік тексеру комиссияларын тарату негізгі өзгеріс болады. Бұл мүдделер қақтығысын болдырмауға мүмкіндік береді, өйткені бүгінде тексеру комиссиялары жергілікті бюджеттерден қаржыландырылады, бұл жүргізіліп жатқан аудиттердің объективтілігіне әсер етуі мүмкін», — деп хабарлады палата.
Бұл ретте жергілікті өзін-өзі басқарудың маңызды рөлі сақталады. Мәселен, мәслихат депутаттары ЖАП тиісті аумақтық департаментінің басшылығына екі өкілді тағайындай алады. Олар құқылы болады:
-
жергілікті бюджеттің атқарылуы бойынша қорытындыны және өңірдің өзекті мәселелері бойынша аудит қорытындыларын тыңдау;
-
жыл сайынғы аудит жүргізу жоспарына өз ұсыныстарын енгізу.
Жалпы, ЖАП өңірлік департаменттерінің мәслихаттармен өзара іс–қимылын қазіргі қолданыстағы «ЖАП-Парламент» моделі бойынша құру жоспарланған.
«Мемлекет басшысы мемлекеттік аудиттің бүкіл жүйесін реформалау туралы бастаманы қолдады, бұл оның тиімділігін едәуір арттыруға мүмкіндік береді. Реформалар пакетін іске асыру барлық институционалдық және ұйымдастырушылық мәселелерді терең дайындауды және пысықтауды талап етеді», – деді Отырыста Әлихан Смайылов.
Сондай-ақ, жоғары аудиторлық палатаға мемлекеттік аудитор біліктілігін беруге үміткер кандидаттарды бірыңғай емтихан бойынша құзырет беру жоспарланған, бұл мемлекеттік аудит органдарының кадрлық әлеуетін арттыруға мүмкіндік береді.
