Қазақстанда «Береке Fest» акциясы басталды. Қазан айының соңына дейін барлық аймақ жаңа өнімді төмендетілген бағамен сатады.
Супермаркеттер желілері жергілікті өндірушілер үшін бөлек сөрелер бөлді. Акцияға енгізілген өнімдер «Береке Fest» логотипімен белгіленеді. Ел бойынша оған 80-нен аса сауда желілері қатысады. Әлеуметтік маңызы бар өнімдерге олар 15% шекті үстеме бағаны сақтауға міндетті. Жыл басынан бері бұл талапты бұзғаны үшін 2,5 мыңнан аса әкімшілік қаулы шығарылған. Айыппұл сомасы 56 миллион теңгеден асты.
ҚР Сауда және интеграция министрлігі Сауда комитеті төрағасының орынбасары Ернұр Жәутікбаевтің сөзінше, мұндағы басты мақсат – халыққа қолжетімді өнім болуы үшін бағаны реттеу. Яғни, сиыр етінің бағасын қабылдау кезінде әлеуметтік маңызы бар азық-түлік тауарлары тізбесіне кіретін жауырын бөлігі 3300-ден аспайтын болады, ал қалғанының келісі 3800-ден сатылады. Осы «Береке Fest» акциясына қатысатын барлық супермаркетте адам бағдарлануы үшін стопперлер, баннерлер және ақпараттық стендтер болады.
Айгүл Байжұмақызы
