21-22 тамызда Президент Қасым-Жомарт Тоқаев Қырғызстанға ресми сапармен барады. Ресми іс-шаралар кезінде қауіпсіздік пен тәртіпті қамтамасыз ету үшін Бішкекте шамамен 3500 милиция қызметкері жұмылдырылады, — деп хабарлайды 7-su.kz ақпараттық порталы Massaget.kz сайтына сілтеме жасап.
Қырғызстанның ІІМ мәліметінше, Қасым-Жомарт Тоқаевтың сапары күндері құқық қорғау органдары күшейтілген режимде жұмыс істейді. Көлік қозғалысы делегация кортежі өткен уақытта ғана уақытша тоқтатылады.
Шектеулер бірнеше бағытты қамтиды: «Манас» әуежайынан мемлекеттік резиденцияға дейін, одан әрі Дооронбек Садырбаев көшесі арқылы «Ата-Бейіт» мемориалдық кешеніне дейін, сондай-ақ, Тоголок Молдо көшесі бойымен.
Бішкекке сапар
Еске салайық, бұған дейін 22 тамызда Мемлекет басшысы Қасым-Жомарт Тоқаев президент Садыр Жапаровтың шақыруымен Қырғыз Республикасына ресми сапармен баратыны хабарланды.
Бішкекте мемлекеттер басшылары қазақ-қырғыз стратегиялық серіктестігі мен одақтастық қатынастарын одан әрі нығайту мақсатында келіссөз жүргізеді.
