Бүгін, 3 қазанда еліміздің бірқатар қалаларында қолайсыз метеожағдайлар күтіледі, деп хабарлайды turkystan.kz «Қазгидромет» РМК-ға сілтеме жасап.
Атап айтқанда, Орал, Атырау, Ақтөбе, Алматы, Қарағанды, Теміртау және Жезқазған қалаларында ауа сапасы төмендейді.
Метеорологтардың түсіндіруінше, қолайсыз метеожағдайлар – атмосфералық ауаның төменгі қабатында зиянды заттардың жиналуына ықпал ететін құбылыс. Бұған әлсіз жел, тұман, инверсия және ауадағы тыныштық әсер етеді. Мұндай кезде ауа сапасы нашарлап, адам денсаулығына кері әсер етуі мүмкін.
Сарапшылардың айтуынша, ластану деңгейі желдің бағыты мен жылдамдығына, жауын-шашынға, ылғалдылық пен ауа температурасына тікелей байланысты қалыптасады.
