Бүгін, 1 қазан күні еліміздің көптеген қалаларында метеожағдай қолайлы болады. Дегенмен Жезқазған, Ақтөбе және түнде Астана қалаларында атмосфералық ауаның ластануына ықпал ететін қолайсыз метеожағдайлар күтіледі, – деп хабарлайды 7-su.kz ақпараттық порталы «Қазгидромет» РМК-ға сілтеме жасап.
Қолайсыз метеожағдайлар – атмосфераның төменгі қабатында зиянды заттардың жиналуына әкелетін қысқа мерзімді табиғи құбылыстар. Оларға әлсіз жел, тұман, инверсия және ауадағы тыныштық жағдайы жатады. Мұндай кезде ауа сапасы төмендеп, тұрғындардың денсаулығына кері әсер етуі ықтимал.
Мамандардың түсіндіруінше, ластану деңгейінің қалыптасуына желдің бағыты мен жылдамдығы, жауын-шашын мөлшері, ауа температурасы мен ылғалдылық сияқты синоптикалық факторлар әсер етеді.
