Талдықорған қаласындағы Назарбаев Зияткерлік мектебінің жас өнертапқыштары республикалық «Дарын» ғылыми жобалар байқауында жүлделі орындарға ие болды.
Байқау онлайн режимінде өтті. Еліміздің барлық жалпы білім беретін мектептерінен жүздеген оқушы ақпараттық жүйелер, жаратылыстану және технологиялар, қолданбалы математика, Қазақстанның тарихи ескерткіштерін зерттеу және қоршаған ортаны қорғау салаларында жобаларын ұсынды.
Алика Ақылбекова мен Диана Хасимова «Өлкетану» бөлімінде «Илон Маск» жобасы туралы әңгімеледі. Робот ғарышта балама отын көзі ретінде сутегін алуға қабілетті.
— Ай мен Марста қалдық топырақ реголит деп аталады, реголитте мұздың көп мөлшері қатып қалады деп есептеледі. Біздің автономды робот реголиттен электролиз арқылы сутегін алуға қабілетті. Осылайша, Ай жақсы отын көзіне айнала алады деп айта аламыз, — дейді жоба авторлары.
Еркежан Үмбетбаева мен Виктор Кахноның «Med-BOT» медициналық роботы да өзіндік ерекшелігімен қазылар алқасын қызықтырды. Еліміздің барлық медициналық мекемелерінде медбикелердің орнына кәдімгі роботтар сізді қарсы алатынын елестетіп көріңізші. Пандемиядан кейін медбикелердің өткір жетіспеушілігі байқалды. Оқушылардың айтуынша «Мед-БОТ» медбикеге, дәрігерлік кабинеттерге, сондай-ақ қарттар үйінде, санаторийлерде және пансионаттарда көмекші бола алады.
Зияткерлік мектебінің өнертабыстары республикалық ғылыми жобалар байқауында екі ІІІ орынды жеңіп алды.
«ЖЕТІСУ» АҚПАРАТ
